أهم 5 مشاكل نفسيه ممكن تبقي سبب للأنتحار أولهم الاكتئاب الحاد غير الحالة الاقتصادية اللي بنمر بيها
رغم أن فيه مشاكل نفسيه كتير بنمر بيها بس تحدديا فيه حوالي 5 مشاكل نفسيه هنقولهم هنا ممكن يسبب أن الشخص يفكر في الانتحار، دا طبعا غير المشاكل المادية والاجتماعية اللي ممكن تخلي الشخص يفكر في كده بس في الأساس بيكون عنده مشكلة نفسية من اللي هنقولهم.
دا غير إن فيه أسباب مجهوله للأنتحار كمان لسه منعرفهاش ، بس هنحاول هنا نعرف ايه هي الأسباب المكشوفة اللي بتخلي الشخ يفكر في الأنتحار أو ينتحر بالفعل.
الإحصائيات بتقول أن بيموت أكثر من 800,000 شخص كل سنه بسبب الانتحار، في حين جرب حوالي ضعف العدد ده فكرة الانتحار ومنجحوش فيه ، دا غير إن منظمة الصحة العالمية WHO قالت إن الانتحار كان السبب الرئيسي الثاني للموت خصوصا في الناس اللي عمرهم ما بين 15- 29 سنه في العالم بـ2012.
ولكن ايه اللي ممكن يخلي كل الناس دول وخصوصا في السن ده يفكروا في الانتحار؟ وأيه هي الأسباب اللي بتهلي مهمه الانتحار عندهم سهله واللي ممكن نتفاداها عشان نقدر ننقذ حياتهم، ونقلل من الأعداد الكتيرة اللي بتقرر تنهي حياتها بنفسها، دا طبعا غير أهمية الدعم الأسري اللي محتاجه الشخص اللي بيفكر بالطريقة دي وحتى المؤسسات الحكومية ليها دور في الحته دي.
أهم أسباب الانتحار:
الدراسات العلمية المختلفة لقت دلائل علمية قليلة عن الأسباب اللي بتدفع الإنسان أنه ينتحر فيه اللي بينتحر نتيجة لمجموعة مختلطة من الأسباب، وفيه اللي بيكون عندهم مشاكل نفسية هي اللي بتخليهم يعملوا كده ومن ضمن المشاكل النفسية :
المشاكل نفسية:الإحصائيات والبيانات المتوفرة بتقول أن 90% تقريباً من الأشخاص اللي بيحاول ينتحروا بيعانوا من مشكلة نفسية أو أكثر، ولكن في كثير من الحالات مش بيكونوا عارفين أنهم عندهم مشكلة نفسيه ومحدش من الدكاترة شخص الحالة قبل كده.:
1- الاكتئاب الحاد: الإصابة بالمشكلة النفسية دي بتخلي أصلا المزاج مش تمام أصلا دا غير التعب وفقدان الإهتمام بالأشياء وحط عليهم فقدان للأمل، عشان كده النوعية دي من الأشخاص اللي عندهم اكتئاب حاد بيكونوا معرضين اكتر لأنهم يفكروا في الانتحار.
2– الهوس الاكتئابي: الشخص اللي عنده الحالة النفسية دي بيعاني من تارجح شديد في المزاج، يعني مزاجه حبه فوق وحبه تحت يعني شوية يبقي فرحان أوي أوي وشوية يبقي زعلان جدا وللأسف فإن واحد من كل ثلاثة مصابين بيحاولوا ينتحروا.
3– الفصام: وهو عبارة عن حالة نفسية طويلة المدى، ودا بيسبب شعور ورؤية أمور مش موجوده أصلا في الواقع والهذيان وحتى تغير في تصرفات المصاب، و الإحصائيات بتقول أن واحد من كل 20 مصاب من اللي عندهم فصام بيفكروا في الانتحار.
4– اضطراب الشخصية الحدية Borderline personality disorder: والي عندهم الحالة النفسية دي مشاعرهم مش مستقرة وأنماط التفكير عندهم مشوهة وتصرفاتهم مندفعة، وعادة بيكون المصابين بالنوع من الحالة النفسية كانوا بيعانوا قبل كده من عنف أو اعتداء جنسي وهما أطفال، عشان كده بيبقي عندهم أفكار انتحارية أكثر من غيرهم.
5– فقدان الشهية العصبي Anorexia Nervosa: وهو عبارة عن اضطراب في الأكل، اللي عندهم النوع ده من المشاكل النفسية بيحسوا أنه تخان وبيحاولوا يقللوا من وزنهم بكل الطرق الممكنة و وفيها منه بيضطر لأنهم يرجعوا الأكل من بطنهم أول ما يكلوه ، و الإحصائيات بتقول أن 1 من أصل 5 أشخاص مصابين بالنوع ده من الاضطراب بيحاولوا ينتحروا .
- وبيعاني الأشخاص اللي عندهم ميول جنسية مختلفة والمثليين الجنسيين من حالات انتحار متعددة بسبب لأن المجتمع مش قادر يتقبل ميلوهم.
- الوضع الاقتصادي السيء: دا غير كمان أن فيه بعض الأشخاص اللي بيعانوا من أوضاع اقتصادية سيئة، واللي عليهم ديون كتير ومش قادين يدفعوها ممكن يفكروا في الانتحار أكثر من مرة.
- دا غير أن الأشخاص المسجونين أو اللي لسه خارجين طازة من السجن بيفكروا برضه في الأنتحار.
- وفيها كمان شوية أدوية زي مضادات الاكتئاب، ممكن تكون سبب في الانتحار ، لان فيه بعض الأشخاص بتجيلهم أفكار انتحارية لما يجوا يخدوا النوعية دي من الأدوية خصوصا الناس اللي سنهم أقل من 25 سنه.
- فيه دراسات علمية مختلفة قالت أن الجينات ممكن كمان تلعب دورا في ده ، عشان الجينات ممكن تأثر علي الحالة النفسية للشخص وتخليه معرض أكثر للانتحار.
- و المرور بتجربة مؤلمة زي موت حد من القرايب أو انتحاره أو العيش في فترات الحرب كل دول ممكن يسببوا الانتحار.
- التسلط: في مرحلة عمرية معينه فيها بعض الأشخاص بيعانوا من حاله من التسلط من الأبوين، وللأسف ساعات بيسيب التسلط على الإنسان تأثيرات سلبية وتستمر معاه مع الزمن.
- الإدمان: وهنا نقصد الإدمان على الكحول أو المخدرات لفترة طويلة، لأن المدنين عادة بيدخلوا في مرحلة من الاكتئاب وبيفكروا في الانتحار وبالأخص لو مكنش معاهم فلوس عشان يشتروا المواد المخدرة.
- البطالة: وساعات كمان العاطلين ومش بيشتغلوا بيجيلهم مشاعر سلبية جداً دا غير أنهم بيميلوا للعزلة وعدم التواصل مع أي شخص، وبيحسوا أنهم أقل كفاءة من غيرهم وبتجيلهم أفكار للانتحار.
- العزلة الاجتماعية والوحدة: الشخص المنعزل اجتماعي عادة ما بيكون سلبي ومزاجه وحش معظم الوقت، بالتالي بيكون الشخص أكثر عرضة لأنه يجيله مشاكل نفسية ممكن تخلية يفكر في الانتحار.
وفي النهاية أسباب الأنتحار مش كلهم اللي قلناهم هنا، لأن فيه ساعات ناس بتنتحر مش بينطبق عليهم الأسباب اللي فاتت دي ، ده لأن فيه صعوبة في تحديد جميع الأسباب الكامنة للأنتحار أو الكشف عنها، لكن المهم أننا نتهتم بالناس اللي بتنطبق عليهم الأسباب اللي فاتت عشان نقلل من خطر تخلصهم من حيتاتهم بالانتحار.
