أنواع الاكتئاب
أنواع الاكتئاب كتير وفيه أنواع أكتر من الأمراض النفسية بدايتها بتكون بالاكتئاب وهنا هنحاول نوصل للأضطرابات الاكتئابية المختلفة اللي بتحصل لينا واللي ليها إشكال كتير وبتتنوع من الاكتئاب المرضي والعرضي والموسمي.
- إضطراب الإكتئاب الشديد
وهو إضطراب الإكتئاب اللي منتشر واللي الدكاترة النفسيين بتشخصه كتير، والشخص اللي بيعاني من اضطراب الاكتئاب الشديد بيحس بالكآبة وبيفقد استمتاعه بالحياة، وتركيزه بيقل أو بيفقد التركيز وطاقته كمان بتقل ، غير انه ممكن يحصله تغيرات في أنماط الأكل زي أنه ياكل كتير أو أكله يقل.
وغالباً الناس اللي عندها النوع ده من الاكتئاب بيكون عندهم إحساس بالذنب، وممكن يطور الأمر أنه يفقد الأمل أو يحس باليأس لحد ما يوصل للمرحلة النهائية اللي هي أنه يفكر في الانتحار.
ممكن يظهر اضطراب الاكتئاب الشديد من غير أي سبب واضح، عشان كده ممكن يجي للناس اللي أساسا مكنش عندها مشاكل في الحياة وعلاقاتهم كانت كويسة مع الناس سواء في حياتهم العائلية أو في الشغل أو الحياة الاجتماعية بشكل عام ، كمان ممكن يحصل النوع ده من الاكتئاب لو حصل للشخص حدث مؤلم مقدرش يتعامل معاها بشكل كويس او يتعافي منه فا بيدخل في نوبة اكتئاب.
لما تبقي أعراض اضطراب الاكتئاب الشديد أقلّ حدّة أو معتدلة ولكنها مستمرة لفترة أكثر من سنتين كده هيتحول أنه يبقي خلل عقلي .
- اضطراب التكيّف مع المزاج المكتئب
الناس اللي عندها النوع ده من الاكتئاب بيجيله نتيجة ردّة فعل على حالة مؤلمة في حياتهم، زي فشل علاقة حميمة أو خسارة وظيفة ولكن بدرجة أكبر من المعتاد.
بتكون مشاعر الاكتئاب هنا قوية جداً وغالباً ما بتشمل القلق، قلّة النوم وتغيير في أنماط الشهية ” الاكل الكتير أو سدة النفس”.
وبيختلف الوقت اللي بتستمر فيه الأعراض من أسابيع وممكن توصل لسنين، غالباً بيكون النوع ده من المكتئبين بيحتاجوا أنهم ياخدوا علاج اكتئاب او انهم يلاقوا وسائل مساعده عشان يقدروا يعدوا المرحلة دي.
- الاكتئاب ما بعد الولادة Post-natal depression
بمعني الحزن اللي بيجي بعد الولادة، حوالي 50% من الأمهات اللي لسه مخلفين أول عيل بيحسوا بالنوع ده من الحزن، أو باكتئاب خفيف أو قلق، أو توتر أو تعب ، وممكن يوصل الأمر لمشاكل في النوم بالرغم إنها حسه أنها تعبانه أغلب الوقت بس مش عارفه تنام،وبيستمر النوع ده من الاكتئاب لساعات أو ايام قليلة وبعدين بيختفي ، لكن ممكن تتطور حاله الحزن البسيطة لحوالي 10% من الأمهات لتتحول لاضطراب اكتئاب ما بعد الولادة، وهتلاقي إن الأمهات المكتئبات بيكون عندهم صعوبة كبيرة في التعامل مع متطلبات الحياة اليومية، دا غير انهم دايما حاسين بالقلق والخوف والكابة والحزن والإرهاق الشديد، وممكن كمان يتعرضوا لنوبات هلع أو أنهم يبقوا عصبيين بزيادة وبينفعلوا بسرعة، دا غير إن طبيعة أكلهم والنمط بتاعهم في الأكل بيتغير وكمان النوم بتاعهم بيتغير.
وكمان فيه نوع من أنواع اكتئاب ما بعد الولادة الشديد لكنه نادر الحدوث وبيسموه “الذهان النفاسي”، وبتبقي الأم مش قادرة تتعامل مع حياتها اليومية وممكن يبقي عنها اضطراب في التفكير والسلوك.
- اضطراب المزاج الثنائي Bipolar mood disorder
الشخص اللي بيعاني باضطراب المزاج الثنائي اللي أسمه الاكتئاب الهوسي بيكون عندهم نوبات هوسيّة بتقبي زي انهم يبقوا فرحانين أوي وعندها هيبره وحركة شديدة ومنفعلين اوي وبيتكلموا بسرعه ومتهورين دي أهم السمات ، وفي الحالات الخطيرة ممكن يبقي عندهم هلوسة.
- اضطراب الاكتئاب المستمر
وده بيحصل لو استمر الاكتئاب عند الشخص لمدة سنتين أو أكثر، ، وأعراضه مش مختلفة كتير عن الأعراض اللي موجوده في الأنواع التانية زي التغير في أنماط الشهية أو النوم الكثير أو القليل، التعب ونقص الطاقة، معندهوش ثقة في نفسه ومحتقرها ، مفيش تركيز ولا قدرة علي اتخاذ القرارات ، حاسس باليأس علي طول .
- الاضطرابات العاطفية الموسمية
هي فترة من الاكتئاب الشديد غالبًا بتحصل في فصل الشتاء وفيه كمان اكتئاب في الصيف وده ليه طبيعة تانية غير اكتئاب الشتا، بس نرجع لاكتئاب الشتا بيحصل عشان تعرض الشخص للضوء بيبقي قليل عشان اليوم بيبقي قصير والليل طويل.
والنوع ده بقي بيبقي اتنين في واحد اكتئاب جامد وحاجه تاني اكسترا معاه اللي هي الذهان بيعني هلاوس وأوهام وأعراضه أن الشخص اللي عنده النوع ده من الاكتئاب بيحس بالهلوسة البصرية انه بيشوف أشياء أو بيسمع أصوات مش موجوده أصلا ، دا غير الأوهام أو المعتقدات الغلط، و جنون العظمة، وبيشكل في اللي حواليه حتي أقرب الناس.
- اكتئاب ما قبل الحيض PMDD
ودا بيحصل للستات قبل الدورة الشهرية وأعراضه بتبقي زي تقلب المزاج، القلق والتوتر المستمر، صعوبة في التركيز، تغير في الشهية،عندها أرق الشديد أو بتنام كتير،بتعس بتعب عام في جسمها،دا غير العصبية الشديدة
- الاكتئاب غير التقليدي
والنوع ده بيسموه اكتئاب مؤقت وممكن الأحداث الإيجابية بتساعد في أنه يخف أو يقل وأعراضه زي زيادة الشهية، النوم الكتير ،الإحساس بثقل في الذراعين والساقين، الحساسية الشديدة من النقد.
