فوبيا الطعام: أكتر من 11 نوع (أغربهم فوبيا الشوكولاتة)
الاكل هو حاجه أساسيه لبقاء الإنسان بس فوبيا الطعام أو الأكل هنا ممكن تخلي الشخص ما ياكلش خالص أو أنه ياكل نوع معين من الأكل أو ما يأكلش حاجه معينه بشكل عام رغم أن ليها أنواع كتير زي الخضار بشكل عام أو اللحوم، والأنواع دي من الفوبيا اللي هنقولها غريبة جدا وممكن تأثر علي صحة الأنسان ولو وصلت لذروتها ممكن تموته.
فكرة الأكل في حد ذاتها اختلف عليها الناس فيه االلي بياكل عشان يعيش أو اللي عايش عشان ياكل،بس الصح أنه مفيش اختلاف طول ما الأكل من ضمن أولويات البني آدم، لكن الغريب الناس اللي بيحصلهم رغب أو خوف من أنهم يتعاملوا مع الأكل نفسه سواء بالأكل أو أنه يطبخوه.
- فوبيا الطعام cibophobia
وهنا معناها كره الاكل بشكل عام أنه ياخد أي حاجه وياكلها العملية نفسها بتبقي فوبيا حتي التفكير انه عايز ياكل دا برضه مكابوس
- فوبيا التذوقGeumophobia
ودي حالة علمية طبية بتخلي الشخص المصاب يحس بالخوف من النكهة والطعم اللي في أي نوع من الأكل.
- فوبيا البلع Phagophobia
والنوع ده بيخاف أنه يبلع أي حاجه سواء كانت أكل أو شرب أو حتي دوا مهم لصحته، وبيكون هو النوع الأخطر من الفوبيا لأنه ممكن يتسبب في أن الشخص يموت بسبب انه لا بياكل ولا بيشرب ولا حتي باخد ادويته.
- فوبيا الطبخ Mageirocophobia
الخوف من الطهي والطبخ، وفي الحالة بتخلي المصاب أنه يبعد عن المطبخ نهائي وما يتفرجش علي أي حاجه فيها طبخ حتي البرامج اللي بتيجي في التليفزيون، ولا يتعامل مع أي حاجه في المطبخ تحض الطبيخ.
- فوبيا الاكل بالعصيان الصينيه Consecotalephobia
ودا بقي خوف من استعمال حاجه معينه ليها علاقة بالأكل زي عصي الأكل الصينية، وأساس الخوف هنا أنهم خايفين لحد يحصلهم حادثة بسبب العصيان دي عن طريق الطعن.
- فوبيا الحمضيات Acerophobia
وهنا أي حاجه في حمضيات ليمون بقي أو خل ىبيخاف منها أو حتي ياكلها او يقرب منها حتي لو ايس كريم بالليمون أو الليمونادة اللي بيروق الدم في عز الصيف.
فوبيا الاكل الساخن Thermophobia
وهنا الشخص نفسه بيحب ياكل كل حاجه باردة حتي الشاي باللبن اللي هو إدمان عند كتير من الناس، بيحس بفوبيا من أي حاجه ممكن ياكلها وتكون سخنه.
فوبيا الشيكولاته Xocolatophbia
رغم أن الشيكولاته دي معشوقة البنات واحلي حاجه تسعد بنت أو تضيع الاكتئاب بتاع الشتا، بس للأسف فيه ناس عندها فوبيا من الحلويات دي ومش بيحبوا لا يشوفها أو ياكلوها أو تدخل في أي نوع من الاكلات.
- فوبيا الأكل البارد أو المتلج Frigophobia
ودا بقي عكس البني أدمين في عز الصيف ممكن يبعد أنه ياكل الايس كريم اللي هو المنقذ من حر الصيف، وبيكره أنه ياكل أي حاجه مجمده من الأساس أو ساقعه.
- فوبيا الخضارLachanophobia
علي الرغم من أن الحالي دي ممكن تكون منتشرة عن الاطفال، فا تلاقيهم مش بيحبوا ياكلوا خضار وبيغلبوا امهاتهم في اكلب الخضار لدرجه أنها بتحاول تفتكس أي حاجه بس تدخل فيها الخضار زي الكيكه اللي بالجزر الهامبورجر اللي بالبطاطس والكويسه.
- فوبيا التوم Alliumphobia :
والنوع ده من الفوبيا مش مصاص دماء ولا حاجه ولا أن التوم بيبعده عن المكان، بس الشخص اللي عنده فوبيا التوم بيشم ريحته من علي بعد، وبيكره أي نوع أكل داخل فيه التوم وبيعرف يطلعه من وسط الاكل كويس.
فوبيا الفراخ Alektorophobia اللي عكسها تماما فوبيا اللحوم Carnophobia ، وفوبيا السمك Ichthyophobia كل دوا أنواع من الفوبياوات لناس بتكره تاكل أي اكل داخل فيه السمك أو الفراخ أو اللحمه متعرش بقي بياكلو ايه في حياتهم تقريبا عايشين علي الخضار وبس، حط عليهم فوبيا الفطر أو المشروم Mycophobia علي الرغم أنه البروتين النباتي الوحيد واللي ملهوش أي أضرار لو اكلته بزيادة ولا حتي بتخن.
