هل يسبب الاكتئاب الام جسدية؟

في الوقت اللي كنت بتحب فيه وعايش شعور متخافيش أنا مش ناسيكي متخافيش لو مين ناداني مكنتش تعرف إن نهايتها هتكون يومينهم وهيجي غيرهم. بس إنت مش لوحدك يا فواز، الإحصائيات بتقول إن كل سنة بيتطلق حوالي ٧٠٠ ألف، يعني بمعدل ٢١ ألف حالة طلاق في اليوم يعني ٤٠ حالة طلاق في الثانية،بمعنى إن اللحظة اللي بتقول فيها “بحبك”، تلاتة غيرك بينفصلوا.
190

كتير مننا ممكن يعانو من آلام في الجسم، أوقات كتير بتكون ناتجة عن مشاكل صحية أو ألم في المفاصل أو خلل معين، بس اللي يمكن مش كتير يعرفوه أن الاكتئاب والقلق كمان ليهم دور في الموضوع ده.

اكيد كتير منكم مروا بالحالة دي من قبل وكنتوا عارفين إن احتمال يكون ده السبب بس اتجاهلتوه، حسب الجمعية الأمريكية للطب النفسي 75% من الأشخاص اللي بيعانوا من الاكتئاب بيعانوا كمان من آلام مزمنة في جسمهم، ومعظم الآلام دي بتكون نتيجة للاكتئاب.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب

علامات جسدية يتركها الاكتئاب على المريض

الاكتئاب مرض قاتل للعقل والجسد… معظم الناس بيعتقدوا أن الأمراض النفسية ومن بينها الاكتئاب منفصلة عن الجسم وتأثيرها بيكون متوقف علي العقل والوظائف التابعة ليه زي الاتزان النفسي والاستيعاب والإدراك، ولكن الاعتقاد ده خاطئ تماما، وده تفسيره أن الاكتئاب زي مهو مرض نفسي فهو مرض عضوي ومن الطبيعي أن أعراضه تمتد لتشمل إلحاق الضرر بالجسم عن طريق عدة أعراض، تشمل أهمها:

1- التعب والإجهاد

اغلب المكتئبين عندهم شعور دائم بالتعب والاجتهاد، التعب هو عرض معروف للاكتئاب، وده بيفسر ليه أوقات كتير مننا بيحس بخمول وإرهاق وكسل وخاصة في الصبح والنتيجة أننا بنقرر  نبقا في السرير ونتفرج على التلفزيون بدل من نزول الشغل.
دا غير أن في اعتقاد عند ناس كتير أن الإرهاق والكسل ده ناتج عن الإجهاد، بس في الواقع أحيانا بيكون الاكتئاب هو السبب الرئيسي للكسل الإرهاق، دا غير أن في احتمال كبير أن  التعب المرتبط بالاكتئاب ممكن يسبب مشاكل في التركيز ومشاعر التهيج واللامبالاة.

2- وجع الضهر وآلام العضلات

وجع الضهر مشكلة بيعاني منها ناس كتير وبتظهر المشكلة دي مع الشغل لوقت طويل وغالبا بتكون مرتبطة بوضعية غلط أو إصابة في الضهر، إلا أن وجع الضهر والعضلات معظم الأوقات بيكون واحدة من أعراض الاكتئاب والضيق النفسي.
علماء النفس والأطباء النفسيون بيعتقدوا أن المشكلات العاطفية من المحتل  تسبب آلامًا مزمنة، وكمان أشارت أحدث الدراسات أن للالتهاب في الجسم علاقة بالدوائر العصبية في دماغنا.

3- الصداع

كل الناس تقريبًا بيعانوا من صداع عرضي، وهي حالة شائعة جدًا لدرجة أننا غالبًا مش بناخد بالنا أو بنفكر أنها مشكلة جادة لأنها فالغالب بتكون ناتجة عن التوتر والاجهاد في الشغل.
ومع ذلك مش دايما بيكون سبب الصداع هو التوتر، فلو لاحظت أن صداعك أتحول لصداع يومي، فده معناه أنك بتعاني من الاكتئاب.
مؤسسة الصداع الوطنية وصفته بأنه “صداع التوتر”، وهو اللي بيظهر على شكل إحساس خفيف بالخفقان، خاصة حول الحاجبين، دا غير أنه عادة بيعاود الظهور بشكل مستمر.
من المهم كمان إنك تعرف أن الصداع مش هو المؤشر الوحيد على أن ألمك ناتج عن مرض نفسي، لآن الناس  المصابين بالاكتئاب بيعانوا من أعراض إضافية مع الصداع زي الحزن ومشاعر الانفعال ونقص الطاقة.

4- مشاكل في العين

معروف إن الاكتئاب بيخليك تشوف العالم ضبابي وكئيب، مش بس كده دا في دراسة بحثية أجريت عام 2010 في ألمانيا، وأشارت أن القلق المتعلق بالصحة العقلية ممكن يؤثر على الرؤية، وفي تلك الدراسة واجه الأفراد المكتئبين صعوبة في رؤية الاختلافات في الأسود والأبيض، وده بيفسر  ظاهرة بيعرفها الباحثون باسم “الإدراك المتباين”.

5- وجع في المعدة

عادة بيتم تفسير تقلصات البطن على أنها غازات أو ألم في الدورة الشهرية، إلا أن الأطباء بيقولوا أن الألم ده خاصة لو كان بيصاحبه التوتر علامة على الاكتئاب.
اقترح بعض الباحيثن في كلية الطب بجامعة هارفارد أن عدم الراحة في المعدة زي التشنجات والانتفاخ والغثيان، أوقات كتير بيكون علامة على ضعف الصحة العقلية، وتفسير ده أن يمكن أن الاكتئاب ممكن يسبب التهاب في الجهاز الهضمي، مع ألم يمكن الخلط بينه وبين أمراض زي مرض التهاب الأمعاء أو متلازمة القولون العصبي.
دا غير أن الأطباء والعلماء أحيانًا بيشيروا إلى القناة الهضمية باسم ” الدماغ الثاني “، لأنهم بيعتقدوا أن في صلة بين صحة القناة الهضمية والرفاهية العقلية.

المراجع

مصدر1
مصدر2

اترك تعليق