هل الاكتئاب يسبب امراض؟

الاكتئاب هو اضطراب في الدماغ، ومعظم أعراضه الظاهرة بتكون عاطفية زي الحزن والشعور بالذنب والتهيج ومشاعر اليأس، والسؤال اللي دايما بيطرح هل الاكتئاب يسبب امراض؟

يمكن ناس كتير ميعرفوش أن الاكتئاب مرض عقلي، وممكن يسبب أعراض جسدية كمان زي الألم واضطراب المعدة والتعب والأرق، طبعا ممكن أن الشخص عاني من الأعراض دي لعدة أسباب، لكنه ممكن يكون غير مدرك أن الاكتئاب يمكن أن يكون من بين الأسباب المحتملة.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب

ازاي الاكتئاب ممكن يسببلي المرض؟

  • ببساطة التغييرات في الدماغ بتأثر على الكتير من أجهزة الجسم، مثلا الأداء غير الطبيعي لرسل الدماغ أو (الناقلات العصبية) زي هرمون السعادة ” السيروتونين” ممكن يساعد في  تغيير عتبة الألم عندك، وده معناه أنك بتتحول لشخص حساس للألم، وخاصة وجع الضهر.
  • حاجة تانية,, وهي أن السيروتونين بيأثر على النوم ويقلل من الدافع الجنسي، بس للأسف معظم المصابين بالاكتئاب بيتجاهلوا الأعراض دي وبيعتبروها جزء طبيعي من الشيخوخة أو الاجهاد.

هل في علاقة بين الاكتئاب والسرطان

  • زي ما قولنا قبل كده الاكتئاب بيزيد من خطر الإصابة ببعض الأمراض، ولكن مفيش أي دليل بيدعم فكرة أن الاكتئاب يسبب السرطان، على الرغم من أن الاثنين ممكن يتعايشوا مع بعض في حالات كتيرة.
  • من المهم نعرف أن الاكتئاب مش نتيجة حتمية لأمراض خطيرة زي السرطان وفيروس نقص المناعة البشرية، بس في الوقت نفسه في احتمال أن الاكتئاب ممكن يأثر مسار المرض، أزاي؟
  • أولاً، لو أنت مصاب بالاكتئاب فأنت معرض للإصابة بمضاعفات شديدة، وده لأن الاكتئاب بيضخم التغيرات الجسدية في عقلك وجسمك، فمثلا لو يتعاني بالفعل من أمراض القلب، فالمستويات العالية من هرمونات التوتر ممكن تجعل من الصعب على جسمك إجراء إصلاح الأنسجة المطلوب.

الاكتئاب ومرض السكري

  • أظهرت بعض الدراسات أن الاكتئاب بيزيد من خطر الإصابة بمرض السكر، وأن مرض السكري بيزيد من خطر الإصابة بالاكتئاب.
  • بطبيعة الحال الشخص المصاب بالاكتئاب ممكن يهمل في صحته ونمط حياته، زي الأكل غير الصحي وقلة التمارين والتدخين وزيادة الوزن، وكلها عوامل خطر للإصابة بمرض السكر.
  • حسب موقع WebMD في حين أن بعض العوامل زي النشاط البدني ومؤشر كتلة الجسم ممكن تفسر جزئيًا الارتباط بين الاكتئاب والسكر، إلا أنها مش بتفسر الصلة بينهم بشكل دقيق، وإن العامل المشترك قد يكون الإجهاد.
  • الخبر الحلو هنا و أنه يمكن علاج السكر والاكتئاب مع بعض، ويمكن أن يكون لإدارة واحد منهم بشكل فعال تأثير إيجابي على التاني.

أمراض القلب وارتفاع ضغط الدم

  • غالبا الناس المصابين بالاكتئاب بيكونوا تحت الضغط في لفترة طويلة، وفي كتير من الأوقات الإجهاد المزمن بيساهم في ارتفاع ضغط الدم.
  • بدوره، ارتفاع ضغط الدم بيزيد من خطر الإصابة بأمراض القلب والأوعية الدموية، والتي تشمل النوبات القلبية والسكتات الدماغية، وبناءً على عدد من الأدلة التي تدعم هذه العلاقة، بيعتبر العديد من الباحثين أن الاكتئاب عامل خطر للإصابة بأمراض القلب والأوعية الدموية.

أمراض السمنة

  • زي محنا عارفين أن الشهية والوزن هم أول حاجتين بيتأثروا في الجسم، الأبحاث قالت إن بعض الناس المصابين بالاكتئاب شهيتهم بتتأثر بشكل كبير والنتيجة هي إنهم يفقدوا الوزن، وفي مصابيين تاننين شهيتهم بتزيد لأطعمة معينة زي الأكل الغني بالكربوهيدرات، وممكن يعانوا من أمراض واضطرابات الأكل زي، مرض الشره العصبي، وده بيزود وزنهم بطريقة سريعة وملحوظة.

الخلاصة أن أن الاكتئاب ليه تأثير مباشر وكبير على جهاز المناعة، وده بيجعل من الصعب على جسمك محاربة العدوى، وبالتالي فأنت معرض بخطر الإصابة بعدد من الأمراض أو تفاقم أعراضها لو هي موجودة بالفعل عندك.

المراجع

مصدر1
مصدر2

اترك تعليق