من برا هلا هلا ومن جوا !!!!!!

#من_برا_هلا_هلا_ومن_جوا …

شريك حياتي مع كل الناس بيهزر ويضحك وبيبقي حبوب وكيوت جدا لدرجة ان الناس بتحسدني عليه …. وأول ما يدخل البيت يضرب البوز المتين وينسى الضحك والهزار كأن عمره ما ضحك …

طيب لية دا بيحصل ؟

السؤال ده يخلينا نرجع كالعادة للأصل في الموضوع والأصل في الموضوع هنا تحديدا في طبيعة التفكير والتعامل مع المشاعر والمواقف اللي فيها مشاعر قوية زي الغضب والحب

♦ الأصل بقى في التفكير هو … بالنسبة للراجل تفكيره عامل زى الإدراج بمعنى أنه عامل لكل شخص درج يعني في درج خاص بشريك حياته درج خاص باصحابة ودرج خاص بأهله

نوضح أكثر … يعني مثلا لو انتوا متخانقين و التليفون رن وكان حد من اصحابة حتلاقي بيتكلم عادي وممكن يهزر معاه ولما يخلص يرجع معاكى لنفس رد الفعل اللي كان واخده ودا بيرجع لأنه قفل الدرج بتاعك وفتح الدرج بتاع أصحابه ورد فعله بيبقى طبعا نتيجة اللي متسجل في الدرج ده

♦ أما بالنسبة للست الموضوع مختلف … تفكيرها عامل زى الدولاب بتحتاج تاخد فاصل زمني على الأقل 15 دقيقه علشان تقدر تخرج من الحالة الانفعالية اللي هي فيها فمثلا لو رحت تتكلم مع مراتك وهي متخانقة مع حد من الولاد حتلاقيها بتتكلم معاك بنفس الطريقة الانفعالية اللي كانت بتستخدمها مع الولاد ودا راجع لأنها لسة ما فصلتش من الحالة الانفعالية اللي هي فيها…

♥طيب ايه هو الحل … في الحالة دى الحل انك تشوفي آية اللي في الدرج وتغيريه لأنه بنائا علية حتاخدي رد الفعل .

بالنسبة بقى الشريك اللي بيعمل ده مش معنى الكلام اللي فوق أنه مبرر لكل واحد يرمي على الثاني لا طبعا .. لكذا سبب…
أولا … كل واحد حيتحاسب على الحاجة اللي هو معملهاش معملهاش لية مش حينفع تقول لربنا أصل هو اللي بدأ

تاني حاجة … إن الأقربون أولى بالمعروف …يعني أقرب الناس صله بيك هما دول اللي يستاهلوا أنك تحسن معامتلتهم … فلو شريك حياتك غلطان في موقف اتناقش معاه في الموقف وصفوا اللي بينكوا على طول علشان تقدروا تحافظوا على العلاقة اللي ما بينكوا علشان ماتبقاش الحياة كئيبة وغم …

#الجواز_مودة_ورحمة_مش_هم_وغم
#إفهم_شريك_حياتك
#إكرام_عصام

تعليق 1
  1. Ahmed Atef يقول

    جميل…

اترك تعليق