العيال

إية فايدة حدوتة قبل النوم؟

حدوتة-قبل-النوم

للاسف كتير من امهات وفى الغالب كلهم بطلوا يحكوا الحدوته للاطفال ? وطبعا كلنا عارفين السبب ….الدايره المغلقة اللى الأم محصورة فيها…ودورها الثابت  uper women

وفى وسط كل المهمام والمشاغل دى بقت بتلغى حاجات وهى بتربى الاولاد… .ومنها انها بطلت تحكى الحدوته ?

يعنى هى الحدوته مفيدة ولا اى كلام وحشو للوقت؟؟ طب اقول الاجابه

  • تعرفوا ان علماء النفس قالوا ان الاطفال وهما لسه اجنه فى بطن امهاتهم بيسمعوا ويحس بصوت مامتهم وكلامها ليهم بياثر على نفسيتهم جو بطنها
  • الطفل اللى لسه صغير لما نتكلم معاه ونحكى حواديت مناسبه لسنه بيتعلم الكلام من الحدوته
  • طب تعرفوا ان انجح وسائل لتعليم الاطفال المصابين بالتوحد والداون والشلل الدماغى الحدوته وياريت تكون مدعومه بصور.. زى لو عايزين نعلمهم ازاى يستخدموا الحمام لوحدهم????? هنجمع صور بترتيب الاحداث…هتعلمهم اسرع مابنفضل نزعق فيهم
  • الطفل من خلال الحدوته بيتعلم وبيقدر يفصل بين السلوكيات الصحيحه✔ والخطأ✖
  • تعرفوا ان الحدوته بتنمى الذكاء لانها بتخليه يسرح بخياله ويفكر مع الاحداث???

اقولكم ازاى تختاروا الحدوته..وامتى تقولوها….

  • تقولوها…فى وقت انتى واولادك قادرين تسمعوا بعض مش وانتى بتزعقى وهما بيجروا ويتنططوا?? ….استرخوا واحكوا..??
  • اختاروا الحدوته حسب السن لكل طفل.???.وفى كتير من الكتب والقصص? اللى بيتكتب عليها العمر المناسب
  • اهتمى بالكتاب اللى يكون فيه صور حتى لو مفيهوش هاتى انتى صور…لو قصه عن الحيوانات مثلا ?????????????هاتى صور لهم او مجسمات هتنمى عنده الحصيلة اللغوية.. وهتشد الانتباه
  • لو ابنك كبير شويه وفى سلوكياات غلط بيعملها…..
  • زى الكذب…هاتى قصه عن اضرار الكذب? …واياك تقولى له انت بتعمل كدا….(بس ممكن نقول انت احسن من دا ومش هتعمل كدا)نختار المصطلحات هتفرق

مع تمنياتى حياة اسرية سعيدة

شيرين محمود زمرة

 

عن الكاتب

شيرين محمود زمرة

أنا شيرين محمود زمـرة، أخصائية تخـاطب، وأشارك بنصائح للأمهـات عامة عن التعامل مع أطفالهم. اخدت دبلومة فى التخاطب...ودراستى فى الاساس فى مجال التربية خريجة كلية التربية جامعة عين شمس...واخدت دبلومة كمان فى طرق التدريس...وبحضر دورات كتييير ومحاضرات عن التربية وتعديل السلوك وتنمية بشرية....مهتميه انى اكتب وارشد الامهات عن طرق تربية الابناء من اجل حياة أفضل ....المجتمع الصالح بيبتدى بالاسرة الصالحة....أرحب بكم للتواصل معي والاستفسار ورايكم فى كلامى مباشرة من خلال الضغط على رابط الفيسبوك في حالة وجود أي استفسارات لديكم.