ازاي المرض النفسي بيأثر على الجواز؟

125

كل العلاقات ليها فترات صعود و هبوط ، لكن لو واحد من الاشخاص في علاقه بيعاني من مشاكل في الصحة النفسية، فا ممكن يحصل بسبب ده تحديات زيادة ، ممكن انك تعيش يوم بعد يوم مع المرض النفسي، او مع شريك مصاب بمرض نفسي، يمكن يؤثر علي علاقتك بطرق مختلفة، مع ان الخناقات بين الشريكين هو جزء طبيعي في العلاقة الصحية، لو لقيت انك انت و شريكك بتتخانقوا كتير و ده العادي، ممكن يساعدك في كده الاستشارة بخبير علاقات زي الدورات التدريبية، لكن العنف في العلاقة غير مقبول دايما!

تفكك العلاقة و المرض النفسي

محدش بينفصل وبيكون مبسوط بالانفصال حتى لو الانفصال هو الشئ الصح انه يحصل، دايما هيكون في حزن حوالين أي انفصال وفترة صعبة لازم الطرفين يعدوا بيها، ولكن لو حد منهم او الاتنين مصابين بمرض نفسي، فا بيكون الموضوع مرهق اكتر من الاول لو انت قلقان عشان صحتك النفسيه في الانفصال ، فا افضل حاجه تبدا بيها هي انك تتاكد من انك بترعي نفسك ،هل انت بتنام كويس ؟ و تاكل اكل صحي؟ بتشرب مياه بكمية كافيه؟ و حاول ممارسة الرياضه كل يوم ، حتي لو من خلال المشي بس، واتكلم مع صحابك او اهلك.

ممكن كمان تتكلم مع الطرف التاني حول الموضوع ده : قول انك قلقان من موضوع انفصالك او قد اي الموضوع هيؤثر علي صحتك او قدراتك علي الشغل او رعاية نفسك ،ممكن تساعد جلسه او جلستان استشاريتان في توضيح الأمور ليك عشان تعدي الفترة الانتقالية دي.

ازاي ممكن يؤثر المرض النفسي علي الأسرة 

لما تتصاب انت او حد من افراد العيله بمرض نفسي، يمكن ان يؤثر علي الكل، يمكن بعض انواع الامراض تسبب تغييرات كبيره في روتين الاسرة او الانشطه او كمان حالتها المادية، ومش شرط كل افراد الاسرة يتفاعلوا او يتصررفوا بنفس الشكل، مع كل تغيير هيعدي عليكوا اثناء اصابة فرد من الاسرة كل شخص هيتفاعل مع الموضوع بطرق مختلفة، أهم شئ هو الوعي الكافي بخصوص المرض  النفسي وطرق علاجه وازاي تتصرفوا عشان تساعدوا الفرد المصاب بمرض نفسي.

ومش بس تتعلم ازاي ترعي الشخص المريض، لكن كمان تتعلم ازاي ميأثرش على صحتك وانك تتعلم تتحكم في مستويات التوتر عندك ،اسال دكتورك عن الدورات المحليه او عن طريق الانترنت ايه الطرق الفعالة اللي تقدر تتعامل بيها.

الأبوة والأمومة أثناء الإصابة بمرض نفسي، ممكنتكون الأبوة والأمومة صعبة ومسؤلية كبيرة، لو كنت بتعاني أنت أو شريكك من مرض نفسي، طبعا ممكن ده يزود من التحديات اللي بتواجه عائلتك، إذا كان عمر أطفالك أقل من ثلاث سنوات، فممكن تلجأوا لشخص مختص بالتربية يساعدكوا ويفضل معاكم في المرحلة المهمة دي في حياة طفلكم، لانهم هيساعدوك في جعل طفلك ينام ويتغذى ويؤدب ويحافظ على صحته عافيته، ولو الطفل بقى أكبر من 3 سنوات ممكن يقضي وقت في حضانات الأطفال المهتمة في رعاية الطفل سواء نفسيا او دراسيا، ولأن تقضية وقته مع أطفال من سنه هيساعده يلعب ويتعلم وينمي عنده ذكاء عاطفي واجتماعي.

اترك تعليق