اعراض الاكتئاب الخفيف وعلاجه

مؤخرا زاد الكلام عن الاكتئاب وازاي هو مرض نفسي خطير، وبيسببه عدد من العوامل ومن أهمها تغير التفاعلات الكيميائية في المخ، والضغوط النفسية والبيئة وأوقات بيكون السبب فيه الجينات الموروثة.

وبما أن الاكتئاب مرض نفسي وعقلي، وأي مرض دايما بيحتاج لعلاج عشان نتعافي منه وهو هدف بيسعى ليه أي حد بيعاني من أعراض الاكتئاب، بس للأسف بعض الناس ممكن يقعوا في فخ أن الاكتئاب ده مرض خارج عن سيطرة صاحبه، وأنه مفيش بأيده حاجة يعملها عشان يتخلص منه والنتيجة هي تدهور حالته وبيوصل لأخطر مرحلة في المرض وهي اليأس، والإحباط.

شاكك إن عندك اكتئاب؟ دوس هنا واعمل اختبار الاكتئاب

عشان كده في المقالة دي هنعرفك على اعراض الاكتئاب الخفيف وعلاجه.

ايه هي أهم اعراض الاكتئاب الخفيف

أهم أعراض الاكتئاب الخفيف أن الشخص المصاب بالاكتئاب الخفيف، بيعاني من مزاج متدني وأعراض تانية للاكتئاب، لكن الأعراض دي بتكون أقل حدة.
المعهد الوطني للصحة العقلية (NIMH)، ذكر أن التغيرات في الحالة المزاجية والسلوك ممكن تشير إلى اكتئاب خفيف، وبتشمل الأعراض الشائعة التانية:

• التهيج والانفعالات.
• الشعور بالتعب بشكل غير عادي
• الشعور باليأس والذنب أو انعدام القيمة.
• الشعور بالحزن الشديد.
• صعوبة في التركيز وعدم التحفيز.
• حاسس بالعزلة وعايز نقعد لوحدك كتير.
• الآلام والأوجاع الطفيفة غير المبررة.
• فقدان التعاطف مع اللي حواليك.
• التفكير في الموت أو الانتحار.
• تغييرات في أنماط النوم.
• الأكل أكنر أو أقل من المعتاد.
• التغييرات في استخدام التبغ أو الكحول أو المخدرات.

الناس المصابين بالاكتئاب ممكن يتعاملوا مع الأعراض المؤلمة دي، بس ممكن يكون ليها تأثير على حياتهم الاجتماعية والعملية، على الرغم من أن اللي حواليهم ممكن  ميلاحظوش الأعراض دي.
الأعراض الخفيفة ممكن تحصل بين الانتكاسات أو كعلامات تحذيرية لاكتئاب أكثر حدة، عشان كده من المهم أن الشخص  اللي تظهر عليه أعراض جديدة يطلب المساعدة الطبية.

علاج الاكتئاب الخفيف

عادةً بيتضمن العلاج الطبي للاكتئاب الجمع بين الأدوية والعلاج بالكلام أو الاستشارة.

العلاج النفسي

العلاج النفسي أو العلاج بالكلام بيتم من خلال سلسلة من الجلسات، ومن خلالها هيحاول المعالج تحديد أسباب الاكتئاب ومحاولة إيجاد طرق لحلها، وفي أنواع كتيرة لعلاج الاكتئاب بالكلام منها على سبيل المثال:

• العلاج السلوكي المعرفي (CBT): وده بيساعد الشخص على فهم ازاي الأفكار ممكن تؤثر على السلوك، وكمان بيجهزهم لتغيير الأنماط غير المفيدة في حياتهم.
• المساعدة الذاتية الموجهة: زي إن الشخص يتبع دورة تدريبية عبر الإنترنت أو دليل بدعم من المعالج، وبتهدف الدورة لتوفير الأدوات اللي بتمكن الشخص من إجراء تغييرات مفيدة.
• التنشيط السلوكي: خلالها هيتعلم الشخص بعض الخطوات الصغيرة والعملية اللي ممكن تساعده على الانخراط في الأنشطة العادية، والاستمتاع بالحياة مرة تانية.
• العلاج الشخصي: بيساعد الشخص على إيجاد طرق أكثر فعالية لإدارة العلاقات.
• الاستشارة للاكتئاب: من خلالها هيستكشف الشخص سبب حدوث الاكتئاب ويدور عن طرق للتغلب عليه.

العلاج بالأدوية

بجانب العلاج النفسي، المعالج ممكن يوصفلك بعض الأدوية ومضادات الاكتئاب في حالة إن العلاج النفسي مجبش النتيجة المطلوبه أو الأعراض تفاقمت، بتشمل مضادات الاكتئاب فلوكستين (بروزاك) وسيتالوبرام (سيليكسا).

رعاية المصابين بالاكتئاب

في حالة لاحظت علامات اكتئاب مبكرة عند شخص تعرفه،  ففي بعض الحجات اللي ممكن تعملها عشان تخرجه من حالة الاكتئاب:

• تواصل الشخص وأخبره أنك هنا عشانه وحابب تسمعه، وده هيساعد الشخص على الانفتاح ومشاركة أفكاره، وممكن يساعد في النهاية إلى التخلص من بعض التوتر.
• تحلى بالصبر: الاكتئاب ليه أشكال مختلفة، وممكن يكون غير متوقع في بعض الأحيان، في حالة إن الشخ بيعاني من نوبات اكتئاب حادة، فالتخفيف من حدته هتكون عملية طويلة، عشان كده مطلوب منك التحلي بالصبر وتقديم يد المساعدة باستمرار.
• لا تتردد في طلب المساعدة المتخصصة: أكبر خطأ الذي بيرتكبه معظم الناس هو أنهم بياخدوا وقت طويل عشان يدركوا أن المريض ده بيحتاج لمساعدة مهنية للخروج من الاكتئاب.
  تواصل مع طبيب نفسي في اللحظة اللي هتحس فيها بأن أحد أفراد أسرتك يمر بالاكتئاب.

المراجع

مصدر1