إدمان النيكوتين! مخاطر وأمراض التدخين

71
 النيكوتين هو مادة كيميائية في التبغ بتخلي الشخص يدمن على دخولها جسمه ودا اللي بيخلي التوقف عن التدخين شئ صعب، لأن النيكوتين بيخلقلك حالة من الرضا المزيف في دماغك، والتأثير دا بيكون مؤقت، فتلاقي نفسك بتسحب سيجارة ورا التانية عشان كل ما تدخن أكتر كل ما تحس بشعور بالراحة أكبر، ودا اللي بيخلي اللي بيحاولوا يبطلوا تدخين دايما عصبيين ومتنرفزين ودي كلها بتكون أعراض انسحاب النيكوتين من الجسم.

:ازاي تعرف انك ادمنت التدخين؟ دي الأعراض: 

  • مش قادر تبطل تدخين يوميا!
  • بتظهر عليك أعراض الانسحاب لما تحاول تبطل سجاير منها: العصبية والأرق وصعوبة التركيز والاكتئاب من غير سبب والاحباط والغضب والجوع الزايد والامساك أو الاسهال.
  • برغم مشاكلك الصحية سواء في الرئة أو القلب، بتفضل تدخن.
  • بتتخلي عن الانشطة الاجتماعية خصوصا المطاعم والاماكن المغلقة اللي ممنوع فيها التدخين.

امتى تروح لدكتور؟

لو حاولت توقف تدخين ومقدرتش توقف بشكل نهائي اعرف انك مش لوحدك، معظم المدخنين بيحاولوا مرات عشان يبطلوا تدخين قبل ما يبقى عندهم امتناع مستقر ودايم عن التدخين، احتمال كبير تقدر تمتنع عن التدخين نهائيا لو اتبعت خطة علاج بتهتم بالجوانب الجسدية والسلوكية المعتمدة على النيكوتين، ومع دكتور متخصص أو اخصائي نفسي بيدير جلسات اقلاع عن التدخين فرص نجاحك هتزيد بشكل كبير.

مقال ليه علاقة: اإتنين مالهمش أمان الشاي والدخان

أسباب إدمان النيكوتين:

النيكوتين مادة كيميائية في التبغ بتخليك تدخن، بيوصل النيكوتين للدماغ في خلال ثوانٍ من استنشاقه في الدماغ ،  النيكوتين بيزود من إفراز مواد كيميائية في الدماغ تسمى الناقلات العصبية ، واللي بتساعد في تنظيم الحالة المزاجية والسلوك. المواد دي بيسموها هرمون الدوبامين ، وهو واحد من الناقلات العصبية في مركز المكافأة في الدماغ وبيسبب الشعور بالسعادة، زيه زي أكل الشيكولاتة أو الوجبة اللي بتحبها.

لكن مشكلة النيكوتين هو انك كل ما دخنته أكتر ودخل بكميات كبيرة للمخ كل ما بتحتاج لكميات أكبر عشان تحس بالراحة والرضا، وبالسرعة دي التدخين بيبقى روتين وجزء من يومك وبيتكون كعادة مرتبطة بمشاعرك.

ومواقف كتير ممكن تتكرر في يومك هتلاقي نفسك بتدخن فيها لا اراديا:

  • شرب القهوة أو أخذ فترات راحة في العمل.
  • الكلام في التليفون.
  • شرب الكحول.
  • سواقة عربيتك.
  • قضاء الوقت مع الصحاب.

لو اتعرضت لحاجة من دول، انت مهدد بخطر إدمان النيكوتين!

اي شخص جرب النيكوتين فهو معرض لإدمانه بشكل ما، ولكن بتزيد فرص الادمان مع وجود العوامل دي:

السن:

معظم المدخنين بيبدأوا من الطفولة والمراهقة، كل ما كان سنك صغير كل ما زادت فرصة ادمانك.

الاستعداد الوراثي: 

للأسف بسبب تدخين أباء وامهات كتير بيكون بدء التدخين والاستمرار فيه موروث جزئيا، بمجرد ما تجرب تدخن بيحفز المستقبلات اللي في الخلايا العصبية انك تعوز تدخن تاني!

الأباء والصحاب:

الأطفال اللي بيكبروا معا اباء مدخنين أكثر عرضة انهم يكونوا مدخنين، ولو ليهم صحاب مدخنين فغالبا هيجربوا يدخنوا.

الإكتئاب والأمراض النفسية:

دراسات كتير أظهرت وجود ارتباط بين التدخين والاكتئاب، الاشخاص اللي بيعانوا من أمراض نفسية زي: الفصام واضطراب ما بعد الصدمة وغيرها هم أكثر عرضة في انهم يكونوا مدخنين.

أمراض ومخاطر إدمان النيكوتين: 

بيحتوي دخان التبغ على أكثر من 60 مادة كيميائية معروفة مسببة للسرطان وآلاف المواد الضارة الأخرى. حتى السجائر “الطبيعية” أو العشبية تحتوي على مواد كيميائية ضارة، من المشكلات الصحية المختلفة اللي سببها التدخين:

سرطان الرئة وأمراض الرئة:

التدخين هو السبب الرئيسي لوفيات سرطان الرئة، بالإضافة إلى أن التدخين يسبب أمراض الرئة ، زي تضخم الرئة والتهاب الشعب الهوائية المزمن. كما يؤدي التدخين إلى تفاقم حالة الربو.

مشاكل القلب والدورة الدموية:

يزيد التدخين من خطر الوفاة بسبب أمراض القلب والأوعية الدموية ، بما في ذلك النوبات القلبية والسكتات الدماغية، إذا كنت تعاني من أمراض القلب أو الأوعية الدموية ، زي فشل القلب ، التدخين بيؤدي لتفاقم حالتك للأسوأ.

مرض السكر:

بيزيد التدخين من مقاومة الأنسولين ، مما قد يمهد الطريق لمرض السكري من النوع  الثاني،  إذا كنت مصابًا بمرض السكر، فيمكن للتدخين أن يسرع من تطور المضاعفات ، زي أمراض الكلى ومشاكل العين.

مشاكل العين:

يمكن أن يزيد التدخين من خطر إصابتك بمشاكل خطيرة في العين زي إعتام عدسة العين وفقدان البصر بسبب التنكس البقعي.

العقم والعجز الجنسي:

التدخين بيزود من خطر انخفاض الخصوبة عند النساء وخطر الإصابة بالعجز الجنسي عند الرجال.

مضاعفات أثناء الحمل:

تتعرض الأمهات المدخنات أثناء الحمل لخطر أكبر للولادة المبكرة وولادة أطفال أقل وزنًا عند الولادة.

أمراض الأسنان واللثة:

يرتبط التدخين بزيادة خطر الإصابة بالتهاب اللثة وعدوى خطيرة في اللثة يمكن أن تدمر نظام دعم الأسنان (التهاب دواعم السن).

أمراض لأهلك ولشريك حياتك:

الأزواج غير المدخنين والاشخاص دائمي الوجود حول مدخنين هم  الأكثر عرضة للإصابة بسرطان الرئة وأمراض القلب مقارنة بالأشخاص اللي مش عايشين مع مدخن، الأطفال اللي بيدخن آباؤهم هم أكثر عرضة لتفاقم الربو والتهابات الأذن ونزلات البرد.

اترك تعليق