ليه بزرميط

إحنا إيه ومين وليه؟

يعني إيه بزرميط؟

بص هو بزرميط أصلاً جاية من الكلمة الفرنساوي Bizzare ودي كانت رد فعل الفرنسيين على حاجات كتير كانوا شايفينهـا في مصر غريبة وعجيبة ومش قادرين يفهمـوهـا … وطبعاً كعادتنـا حوّرنـا الكلمة عشـان بقدرة قادر تبقى بزرميط .. (لو مستغرب من اللي الكلمة وصلتله دوّر على أصل كلمة “بولاق الدكرور”) .. المُهـم يعني عشـان نقدر نتعـامل مع البزرميط ده .. بنتكلم هنـا عن إزاي نخلي حياتنـا أنجح وأسهل عن طريق إننا نفهم نفسنا ونفهم اللي حوالينـا.

 

بزرميط ليهـا رسالتين:

نشر ثقـافة الصحة النفسية: هل تعلم إن خوف الإعتراف بالمرض بيمثل خطر أكبر من المرض نفسه على المريض النفسي؟ هل تعلم إن جزء كبير جداً من أمراضنـا العضوية سببهـا نفسي وإحنـا عاملين من بنهـا؟ كمـان جهلنـا بأبسط مبادئ الصحة النفسية بيخلينـا مش قادرين نفهم نفسنـا ولا نفهم اللي حوالينا وبالتالي ده بيعطلنـا كتير سواء على المستوى الشخصي أو المستوى العملي. عشان كدة هنتكلم عن الصحة النفسية بطريقة مبسطة وهانتكلم عن أهميتها في مجالات حياتنا المختلفة.

وتخلق مجتمـع سوى يساعد بعضه: خلينا نبقى متفقين إن الحياة هاتفضـل صعبة جداً طول ماحنا مش عارفين نتعامل مع بعض. هنا ييجي دور مبادرات زي “كتيبة” و”نفّع واستنفع” اللي ليهم هدف مهم جداً إنهـم يساعدوا النـاس عن طريق الأنشطة المختلفة اللي بتحصل عالأرض.

بزرميط بالفصحى:

تهدف مبادرة بزرميط إلى تنمية الوعي بالصحة النفسية والعقلية ومساعدة الناس على التمتع بمستوى عاطفي وسلوكي جيد وتنمية قدرة الفرد على الاستمتاع بالحياة وخلق التوازن بين أنشطة الحياة ومتطلباتها لتحقيق المرونة النفسية.

المبادرة تسعى لتحقيق ثلاث أهداف رئيسية:

أولًا: تنمية الوعي بـ الصحة النفسية من خلال شرح أوجه الصحة النفسية وشرح الأمراض والاضطرابات النفسية بطريقة علمية مُبسطة.

ثانيًا: مُساعدة من يعانون من اضطرابات نفسية مثل الاكتئاب والقلق والتوتر والإدمان بأنواعه واضطرابات الشخصية بأنواعها.

ثالثًا: مُساعدة المجموعات المُساندة للمريض النفسي والعقلي – كالأهل والأصدقاء – على التعامل معه، عن طريق التوعية والجلسات الإرشادية.

وتعتمد المُبادرة بشكل رئيسي على إنتاج محتوى علمي وعملي مُبسط على موقعها على الإنترنت وخلق محتوى تفاعلي على مواقع التواصل الاجتماعي ومن المقرر أن تقوم بإطلاق نشاطاتها على الأرض قريبًا بالتعاون مع مُتخصصين في العلاج النفسي والعلاج الجماعي.

لو محتاجنـا فـي أي حاجة إبعتلنـا على: [email protected]

لو عايز تكتب معانا، خُش على الصفحة دي

مع تحيات مؤسسي المُبادرة:
أحمد الفرماوي و أحمد عاصـم