انا عندي نفس المشكلة ومشكلة اكبر انها مأثرة عليا

انا في 3ث وعندي مشكلة 🥲
حاولت اتجاهل اني عندي المشكلة لكن بدأ كتير من صحابي يلاحظوها لما بدأت انزل من البيت
انا من قبل الكورونا وانا عندي مشكلة بسيطة في التواصل بس كنت بتواصل مع الكل عادي يعني بس في حبة كسوف في الموضوع
المشكلة بقا بدأت مع بداية الكورونا والشهور الي قعدناهم على النت ديه انا مكنتش بنزل من البيت اطلاقا وكانت حياتي عبارة عن نت بس ف الموضوع زاد في تانية ثانوي اما نزلت مكنتش بعرف افكر شوفة الناس والكلام ده مكنتش بحس براحه وانا بره البيت وبحس بكسوف زائد وبعدم التصرف بتفكير يعني لو روحت اشتري حاجه من السوبر ماركت الاقي نفسي اشتريتها ومشيت بالرغم من انها عند شخص تاني ارخص لا انا لقيتها عنده بالسعر ده اخدها بالسعر ده ومكنتش بتكلم وبحس بتوتر كبير يعني وحتى اما بكون في الدرس مبفكرش باللي بعمله واما ارجع البيت ابدأ احس براحه واحس اني اقدر اعمل اللي اعمله بدون تقييد
يعني حاسس ان الشارع او اي مكان فيه ناس زي السجن والبيت هو الراحة
والموضوع ده بدأ يأثر عليا بالسلب اوي وعاوز حل ليه
بالنسبة لحته السوبر ماركت ملهاش علاقة باني مبعرفش افاصل او اي حاجه دي حاجه والي قصدي عليه حاجه تانية ..

لو في تكرار في الكلام ده لأني بتكلم من جوايا بحاول اوصف الي بحس بيه