انا مش تشخيص

<p style=”text-align: right;”> مش عارفه هندم اني كتبت الكلام دا و لا بس كان لازم اطلعه من جوايا</p>
انا بعد ما اتشخصت اكتئاب و وسواس آخر حاجه اتقالي ان عندي درجه خفيفه من ثنائيه القطبية بس انا مش قادرة استوعب الامر مهما كان يعني كل احساسي كل شعوري اللي انا بحسه دا جزء من مرض ازاي يقدروا يختزلو الانسان لمرض و يحطوله اسم ازاي بيقولو انو عادي ملكش ذنب و بيعاملوك بشكل مختلف كل افعالك اللي كانت بالنسبه لهم تلقائيه بقت اندفاعيه و متهورة كل مشاعرك اللي كانت بتدفيهم بقت مصدر للخوف و القلق كل حزن ليك بقي جرم كل حاجة جواك بقي ليها مسمي لكل شخص يحكم عليها يحكم عليك انك مش مسئول

مش عايزة اخد حبايه دوا عشان ابقي طبيعيه ليهم مش عايزة احس ان حبايه هيا اللي مخلياني متماسكة مش عايزة اتخانق مع حد و يقولي انت خدتي الدوا النهاردة

مش عايزة انام بعد ما يخبطوني علي دماغي بحابيتين

عايزة اكون انا من غير غضب من غير حزن من غير خوف من غير حدود من غير دوا

عايزة اكون انا حتي لو كنت شخص سئ عن اني اكون مجرد جزء من مرض