هوس نتف الشعر

انا عندي 30 سنه
انا معشتش فتره كويسه في حياتي
انا بقيت مريضه نفسيه
بابا الله يرحمه كان بيعاملني بقسوه و ضرب و قص شعر
انا عايزه اقول انه لما قرر يقصلي شعري ماما من رحمتها بعتتني للكوافير يقصهولي زي الاولاد و الكوافير اتحرش بيا و انا في 6 ابتدائي و مكنتش فاهمه هو بيعمل ايه !!!
بابا مره صحاني بالضرب ٨ الصبح اعمله قهوه
سافر و انا عندي سنتين رجع و انا عندي ١١ سنه عشت اسؤا ايام حياتي لما رجع
انا عايزه اقول ان بابا كان بيزعق في الشارع قدام الناس و يفضحنا لحد قبل ما يموت بايام
بقي يجيلي حالات تشنج و تبول لا ارادي و انا في اعدادي
مات و انا في كليه بتخرج
و بعد ما مات عمره ما فكر يأمنني بقينا نشحت الفلوس من عمامي لحد ما المعاش ينزل و كان ملاليم
مع انه كان معاه لانه كان مسافر بس كان بيصرف كل فلوسه اول بأول و بيموت في المنظره !!!!
كان بيتكلم غليا مع صحابه و يقول عليا معوجه
بعد ما مات انا بقي عندي عدم امان مادي بشكل رهيب
كل اللي هاممني احوش فلوس علشان ابقي متطمنه
عندي هوس نتف الشعر و بقيت شخصية عصبيه جدا
اتخطبت مرتين و دي التالته و هو ميعرفش حاجه
عندي اتضراب قلق و لما حد بيخبط علي الباب بتخض
لحد ما لاقيت اختي بصالي في حياتي و عايزه تبقي عروسه و بتقارن نفسها بيا و كارهه خطيبي كن غير سبب
مع انها متجوزه و معاها ٣ اولاد بس ازاي انا ابقي عروسه و هي لا و اجيب حاجات جديده و هي لا و والله بقول كده علشان هو ده طبعها مع كل الناس حتي في الخلفه !!! خلفت التالت علشان صاحبتها جابت التالت
يشاء ربنا اختي كانت سبب في كسره قلبي و جوزها انسان مش كويس و بقي يسخنها عليا
مع ان بالمقارنه هي مستقره انا لا انا بشتغل و طالع عيني دلوقتى قلبي مش مظبوط و بقوم مفزوعه من ساعت اللي عملوه فيا هي و جوزها و رجعت لحالات التشنج ٣ مرات من شهر واحد بسببها !!!!!
انا تعبت انا مفيش حاجه كويسه في حياتي انا مسمحاهم كلهم بس عايزه ابقي كويسه
قلبي بقي يدق جامد و اعصابي بايظه و نتف شعر و قلق و نوبات هلع انا بقيت مريضه نفسيه صح !!!!
انا مريضه نفسيه ايوه !!!!!