نفسي ارجع امارس حياتي بشكل طبيعي

انا من بعد نتيجة ثانوي وانا حساتي اتشقلبت بعد ماكنت بميل لكمبيوتر ساينس او هندسة وبقعد اذاكر بال ١٢ ساعة وحياتي كلها ماشية بنظام مذاكرة وتمارين واكل صحي كل ده اتبدل كان نفسي اجيب مجموع واكمل في البحث العلمي لان بعشق الفيزيا والرياضة للأسف جبت مجموع وحش ومبقاش متاحلي غير اللي نفسي فيه بس كليات خاصة ومعاهد خاصة رفضت كل ده ورفضت اكمل في حاجة بحبها وقررت ادخل مجال تاني وكان سياسة واقتصاد وحبيتها ومنكرش ان عقليتي كويسة فيها وتقديري بأل مجهود عالي مبقتش اذاكر اصلا غير يمكن قبل الامتحان بكام ساعة ومش مذاكرة مذاكرة انا بقرأ اللي همتحن فيه وبس
انا من برا حياتي ماشية عادي بس من جوايا انا نفسي ارجع اذاكر برمجة ورياضة وارجع اذاكر بشكل عام زي زمان انا مبقتش استحمل اذاكر نص ساعة والله ماببالغ ده موقف حياتي مش مخليني عارفة اطور من نفسي ولا عارفة اعمل حاجة
غير كده مبقتش عارفة اعبر في اي موقف وحش بفضل اضحك وممكن لو بحب اللي قدامي وهيسيبني اقوله عادي امشي ومهتمش ولا اتمسك باللي قدامي رغم من جوايا انا حابة الشخص ومش حابة اننا نبعد بس مبقتش عارفة اتمسك بحاجة ومبقتش اتمرن وبقيت ماشية بمبدأ هخسر ايه اكتر من اللي خسرته
برضو مبقتش احب اقعد في البيت بالذات اوضتي لأن بتفكرني بثانوي واهدافي ومذاكرتي وساعات بحس بتأنيب ضمير وبقول ممكن اكون معملتش اللي عليا بس بلاقي ماما واخواتي يقولولي لا احنا كنا بنتحايل عليكي توقفي مذاكرة
والاهم انا في جزء من ذاكرتي مش فكراه صحابي بيفضلو يفكروني اني كنت بحب اعمل كده او كده كنت بس انا ببقى ناسية وبكره اي حاجة تفكرني بنفسي القديمة وبقيت عكسها تماما مبقتش اصلي ولا اذاكر ولا اتمرن ولا بقيت شخص كويس وبقيت شخصية عنيفة لو حد ضايقني بضايقه وبتعامل بخبث انا متضايقة من كده اوي