نسيان و تغيرات نفسية و جسدية

بنسي كتير جدا حاجات اثناء اليوم زي اني افتح التلاجة و اكون ناسية انا كنت عاوزة ايه منها او مواقف و حوارات كاملة بيكون الشخص اللي بيكلمني بيحاول يفكرني و انا مش فاكرة تماما
تغيرات نفسية زي اني ف العادي هادية و مسالمة لكن اوقات ابقي عصبية جدا و بدرجة غير مبررة دايما بيوصفوني اللي حواليا اني متقلبة
تغيرات زي الاكل مثلا انا مكنتش بحب الشطة دلوقت بحبها جدا و التغير ده ف مدة قليلة يعني من شهر كدة مكنتش بحبها . و حاجات زي كدة اكلات كنت بحبها مبقتش احبها نهائي و العكس
وأثناء الكلام مع اي حد بلاقي صعوبة ف التركيز و و ردي بكون بحاول اجمع الكلام اللي اقوله بصعوبة و خصوصا لو المفروض اتذكر حاجة و ارد عليه بيها بلاقي صعوبة كبيرة و ببقي ناسية تفاصيل كتير
في فترات كاملة ف حياتي مش فاكراها بفتكر مشاهد قليلة و غير مترابطة من طفولتي كلها لدرجة ان في واحدة المفروض اني اعرفها و كنت بلعب مع ابنها و انا صغيرة ماما قالتلي عليها و جت عندنا و انا مش فاكراها نهائي و لا فاكرة ابنها و لا حتي فاكرة اني اعرف حد بأسمه نهائي
حتي خطي ف الكتابة ف نفس الصفحة بيكون مختلف
حاسة اني متناقضة ف كى حاجة و مفيش استقرار ع رأي و لا حالة اروح اشتري حاجة و ابقي شايفاها حلوة اروح البيت اشوفها وحشة و مش عارفة اشترتها ازاي
حتي نظري بيختلف انا بلبس نضارة من ٥ سنين الصيف ال فات كنت شايفة من غيرها لحد الشط التاني ع البحر و اوقات مش بشوف داخل الشقة نفسها بس دايما الرؤية الجيدة مرتبطة بالبحر و الشمس مش عارفة ده له علاقة و لا ايه
اهتماماتي كل شوية اهتم بحاجة مختلفة و ابتدي اتعلمها بسرعة و ابقي مستغرقة تماما فيها و فجأة اترك الشيء ده تماما بدون اسباب و انقل ع شيء تاني .
انا مش فاهمة نفسي خالص و لا حد فاهمني أنا ببقي عاوزة الحاجة و عكسها و عندي الرأي و عكسه بالظبط ف اي حاجة