مش عارفه اكتب ايه هنا والله

انا والدتي كانت متجوزه شخص ما وجابت اختي وبعدين انفصلت عنه .. وبعد سنين قليله اتجوزت والدي وجابتني انا واختي
اختي اللي من اب تاني مرت بحاجات كتير اوي وحشه في حياتها ولما دايما بسمعها بلاقيها بتعيط بالدموع بجد من قهرتها .. مقهوره من اختيار امي لوالدها ومقهوره من والدها اللي طلع شخص قاتل وبتاع مخدرات ومقهوره من التحرش اللي حصلها من عائلة والدتي ومن السحر اللي اتعملها من عائلة والدها
ومقهوره من حاجات كتير اوي
ومن تعامل والدتي معاها كمان
لأن والدتي انا عارفه انها طيبه بس هي مش امثل ام في الدنيا بردو .. ساعات بتغلط بس مبتبقاش قاصده دا .. واختي من الضغط النفسي اللي عانيته طول حياتها شايفه ان والدتي هي السبب فيه .. وانو هي اللي جابتها والسبب في انها عاشت كل دا .. وبتكره والدتي ومبتحاولش تشوف تصرفاتها ب اي استعطاف ودايما شايفاها غلط .. في الناحيه التانيه والدتي شايفه اختي دايما تصرفاتها غلط وانها مش شخص عملي في حياتها ومش شغاله ومش مكمله دراستها في الجامعه ومش متزوجه وهي قربت على سن 30 .. كل واحد توقعاته عاليه في التاني وكل واحد منهم لما بيلاقي تصرفات مختلفه عن توقعاته بيجيلهم حاله نفسيه ما بعدها حاله
والدتي اتجوزت وهي في سن صغير عشان كدا مكانتش قادره تختار زوج ليها اصلا .. وعشان كدا اطلقت علطول
ولما اتجوزت والدي دخلت في مشاكل تانيه منها ماديه ومنها عاطفيه
انا دايما بسمع للطرفين وبحاول اراضي الاتنين
بس محدش فيهم بيراعي التاني ووضعهم النفسي مش بيسمح ب دا تماما
هم الاتنين فيهم هموم كبيره اوي وتراكمات كتيره اوي ومش عارفين يدو لنفسهم فرصه يحسنو الظن في تصرفات بعض
اعمل ايه معاهم او اقولهم ايه؟