لم اعد استطيع الاستمتاع بالأنشطة في حياتي كالسابق

السلام عليكم، من حوالي ثلاث سنين كانت حياتي طبيعية وبستمتع بالأنشطة اللي بعملها زي قراءة الروايات او مشاهدة فيلم او لعب لعبة والقعدة مع اهلي الخ.. رغم ان سلوك حياتي كان مش زي دلوقتي بسبب الحظر والكورونا كنت بقعد في البيت اكتر ونظامي الغذائي مكانش صحي وكنت بسهر ومدمن على الموبايل، رغم كل ده كنت سعيد اما دلوقتي مع ان سلوك حياتي اتحسن بكتير واتبعت نظام غذائي صحي وبطلت السكر واكلت اكل صحي وفاكهة واهتميت بالفيتامينات والمعادن وبطلت اسهر وبقيت انام بدري وخفيت ادمان الموبايل وبقيت استخدمه بشكل اقل بكتير وعادت كتير سيئة بطلتها الحمد لله، بس الغريب ان بقيت مش حاسس بسعادة في حياتي او استمتاع بالأنشطة زي الاول، والموضوع بدا بالتدريج من حوالي سنة، يعني في ٢٠٢٠ كنت تمام و ٢٠٢١ برضه كنت كويس وحاسس بسعادة، الموضوع بدأ بالتدريج من ٢٠٢٢ بشكل خفيف وفضل يزيد لحد ما وصلت للسنة دي والموضوع تفاقم جدا وبقيت مفيش حاجة تحمسني او تحسسني بسعادة زي الاول، لما بشرب قهوة بحس بسعادة شويه والموضوع بيتحسن نوعاً ما بس لفترة بسيطة جدا، وبس هي دي مشكلة واتمنى تشخص لي حالتي وتدلني على العلاج وطريقة التعافي من المشكلة دي بإذن الله، وشكراً ليكم.