كيف أتخطاه

كنت على علاقة بشاب لمدة 3 سنين علاقة سوشيال، الموضوع بدأ بأني عملت كومنت على صفحته لأنه بيقدم محتوى ما، رد الفولو ودخل كلمني توقعت إنها يوم اتنين ومش هنتكلم تاني، ولكن الموضوع استمر لمدة 3 سنين
بعد فترة طويلة من بداية العلاقة عرفت انها علاقة غير شرعية وحرام اكلمه ولكني تعلقت بيه عرفته اني هقفل واني مش هكلمه تاني، ولكن بعد فترة رجعت وكلمته واستمريت على الوضع دا لمدة 3 سنين أعمل حساب ادخل اكلمه اسبوع اتنين واختفي لدرجة انه ميعرفش يوصلي، كل مرة كنت برجع فيها بيكون زي ما هو متغيرش بل منتظرني كنت بلجأله لما اكون في ضغط وعندي مشاكل
كان ديما بيعبر عن مشاعره وانا اظهرت في بداية العلاقة مشاعري ولكن بعد فترة مكنتش مشاعر اصلا مش بحبه أنا بس تعلقت بوجوده وعرفته كدا هو تصالح مع الفكرة دي وكان ديما يقولي هيجي يوم وتحبيني مكنش فارق معايا ومازال
كل مرة أنا اللي كنت بمشي من 7 شهور رجعنا نتكلم وقولتله اني هقفل ومش هنتكلم كالعادة ضحك وقالي ماشي خدي بالك من نفسك ودعني بنفس كلام كل مرة ولكنه كان بيضحك المرة الأخيرة
بعد فترة عملي بلوك لما لقاني عملاله بلوك حذفت الحساب ورجعته عملي بلوك بردو
هو بقى رافض وجودي في حياته تماما مشي وسابني فكرة اني رافضني مضيقاني
عايش حياته وبيتقدم وانا لسه واقفة مكاني سابني