علاقات الصداقه

علاقة بابا وماما مش كويسه من صغري وكان بيمد ايده عليها وهو كان بيضربني أنا شخصيا المهم كبرت وسط ده كله ووسط لسانه المش كويس بس هو كان مهتم بالدراسه ودايما كان ضاغطني اني اجيب أعلى الدرجات وكبرت مضغوطه من الدراسه وأحس بالنقص لو جبت مره درجه وحشه وكبرت كده وسط ده كله المهم في ثانويه عامه اصحابي سابوني عشان دخلت مدرسه مختلفه عنهم واتصاحبت معايا في الفصل على واجده صاحبتي وبسرعه جدا وبقيت بحبها وبحب وجودها ومش عارفه ليه بس هي كانت بتحضني حضن جامد كده وانا كنت بستنى حضنها ده في الاخر واحنا كل واحد مروح بيته وبس كملنا سوا لغاية دلوقتي اديلنا اربع سنين سوا ولكن خلال الاربع سنين هي كانت شخصيتها قويه وكانت لسه في بداية علاقتنا عادي هي محبتنيش كنت بالنسبالها عادي بس هي كانت تزعلني وارجع اكلمها نتخانق وأنا دايما اللى اصالحها قالتلي مره انه عادي لو مشيت وأنا كملت بردوا وكنت بحس لما بشوفها بتوتر كده ببقا مش مرتاحه بس كنت احب اشوفها عشان احضنها لحد ما هي حابتني بالتدريج هي كانت بتقول انها بتحب الحنيه وأنا كنت بعمل كده واديها حنيه في كل حاجه وبس لغاية ما وصلت اني مقدرش ابعد عنها مع انه لغاية دلوقتي هي بردوا بتعمل حاجات تضايقني وأنا مكمله وأنا اللى اصالحها بس هي دلوقتي قالتلي اني اعز شخص عندها وبتحبني جدا ومتقدرش تبعد عني احنا من ساعة ما عرفتها بنتكلم طول اليوم حرفيا الفاصل بس الشوية حاجات اللى كنا بنعملها في اليوم بس أنا مش بقدر ابعد لما نتخانق واعبر عن نفسي واني رافضه ده بس احيانا بقدر بس قليل هو حاليا احنا مبنتكلمش هي مبتكلمنيش عشان اتخانقنا مع انه انا مش غلطانه وبعتلها اصالحاها ومردتش عليا على الواتس ومفيش حاجات مشتركه بينا نادرا لو فيه حاجه وأنا تعبانه عشان الحاجات اللى بيبانها مواربه دي بتتعبني أنا صريحه و واضحه بس أنا مش عارفه هو ممكن يكون ده بسبب البيت وأنا متعلقه بيها عشان حضنها مش عارفه مش قادره استوعب ده ومش عارفه اتصرف حاجه كمان انا بتشد كمان للناس الكئيبه والمحبطه وبتستنزف طاقتي ومبعرفش ابعد عنهم قوي ومش عارفه اعمل ايه حياتي بايظه ودايما حاسه بالوحده لو مش بكلمها طوب اليوم ويبقا كياني متلغبط ومتضايقه ومعنديش طاقه ولا نفس اعمل حاجه ومش قادره اروح لدكتور نفسي اتابع لانه فيه حاجات تانيه لانه انا من الطبقه اللى تحت تحت المتوسطه وفي اولى جامعه ومش عارفه اشتغل مع انه عايزه عشان التفكير بيخليني هبقا هموت واتمنى الموت عايزه اشغل نفسي