سوء معامله الاهل

انا علاقتى مع امى وحشه من زمان بسبب اخويا ماما طول عمرها بتفرق ما بينا فى كل حاجه تقريبا واخداه المثل الاعلى الدكتور اللى مش هيتكرر
حتى حياتى بيتحشروا فيها و ماما بتاخد رأيه فى كل حاجه تخصنى اما انا صاحبه الشأن لاء مليش لازمه و رأئى فى الزباله عندها يوم ما اخترت تخصصى العلمى و قولت عاوزه ادخله اخويا قال لاء دى غبيه ولو دخلت علمى مش هتنجح فيه و بالفعل بعد ما احبطونى و شككونى فى قدراتى وانى فاشله و مش هقدر دخلت ادبى ورغم ان دخلت ادبى زى ما هى مختارة سمعتها بتقول انها بستعر منى لانى دخلت ادبى و مش بتحب تقول للناس انها عندها بنت فى ادبى تخيلوا و غير ده بعد ما خلصت امتحانات حبيت اعمل حاجه جديد و امارس رياضه معينه و اكون شاطرة فى حاجه على الاقل و بالفعل عرضت الفكرة على اهلى راح ماما زى كل مره سألت اخويا تفتكر هى تنفع فى حاجه راح قال اصلا دى ملهاش لازمه و فاشله و متعرفش تعمل حاجه فى حياتها و عاله علينا و بالفعل رفضت وقالت لما تكونى بتعرفى تعملى حاجه يبقى اوديكى…وحاجات تانيه كتير المشكله ماما فاكرة انها عادله ما بينا.. انا فعلا مش مسمحاهم طول حياتى اصلا حياتى بايظه بسببهم هما عاوزين يشكلونى بمزاجهم حتى مش للاحسن للاوحش علشان يزلونى ويحسسونى ديما بالنقص و العجز
لغايه ما كرهت نفسى وبحس كل ما اقعد مع العيله انهم بيستحقرونى و كل ما احاول اتكلم مفيش حد بيرد خلونى كل ما اتعامل مع حد او مع ناس اول مره اشوفهم احس انهم مش طايقينى و مش طايقين الكلام معايا رغم الموضوع مش كده بس بقى وسواس عندى ان مفيش حد قابلنى. مش عارفه اعمل ايه انا تعبت نفسيا ؟