الخوف من اتخاذ قرار

متزوجة من اكتر من 18 سنه ، تزوجت عن حب بل عشق و بعد اول 6 شهور عرفت انه بيكلم نساء آخرين ، طول فتره الزواج تقليل مني و تهديد انه هيسبني، اتعرضت للضرب مرتين و كانوا اعنف من بعض، في مره رد فعلي كان عنيف و ذلني بعدها و اتكلم عني و عن عيلتي غير التهديد و دايما يوضح لي ان من غيره أنا لا شيء لا عندي شقة و لا فلوس و لا شيء مع العلم أن اول جوازنا أنا كنت بشتغل و كنت بصرف علي البيت و هو بحوش و بعد مده تركت العمل ، و برضه مقيمة مع عيلتي لان شقته غير مجهزه لسة، و عيلتي وقفت معانا كتير، لية كل ما اقف لنفسي بخاف ، حاليا انا مشمئزه منه و مش قادره العملة كويس ، لكن خايفة ان معرفش اصرف علي اولادي و علي نفسي ، طبعا انا اختصرت حاجات كتيره قوي في العلاقة من ان ازاي أنا وحشة و أنا دائما السبب في عصبيتة او انه بيكلم ستات او انه فشل في شغله،هو بقاله سنتين بيظهر المعاملة الحسنه بس مش حساها لان في السنتين اتعرض لذل و الناس كلها سبته، فعلا كل اللي فضلهم عليا سبوه و ربنا يعلم برضة وقفت معاه، مش عشان شيء الا لوجه الله، أنا مش قادره اكمل بس خايفة اخد القرار اندم ازاي تحدد اللي أنا فعلا عاوزاه و حساه