استشاره نفسيه

أنا طالبه في الكليه قبل دخولي الكليه كنت مصدومه من الثانويه العامه والنتيجه بتاعتها كانت مأثره في نفسيتي جداا فكنت ضعيفه وهزيله وهشه كدا واي حاجه تكسرني أو تشدني وفي الوقت ده كان اهلي مشغولين جدااا امي وابي في شغلهم واختي الكبيره في كليه صعبه واختي الصغيره طبعا مش هتعرف تفهمني كنت حاسه اني لوحدي وعلي طول خايفه وزعلانه علي الي ضاع ومش عارفه اقف عشان اكمل الي جاي المهم في الفتره دي اتعرفت علي ولد في كورس كنت باخده وما كنتش فاهمه حاجه منه اوي فكان علي طول الولد ده بيساعدني بعد فتره عرفت أنه معايا في الكليه كان دائما يساعدني ويقف جنبي ويشجعني لو جيت درجه مش حلوه كان بيعمل الدور الي كان نفسي اهلي يعملوه معايا وبعدين شفت شكله فكان وسيم جداا ومتفوق جداا وطلب اكتر من مره نتقابل رغم كان نفسي اشوفه ونتكلم بس في حاجه جوايا كانت منعاني كنت بقول هو زميل بيساعدني لما احتاجه ونتكلم واتس ليه أقابله يعني كنت خايفه اتعلق بيه كنت بمنع نفسي اشوفه عشان كدا لكن علي الرغم من كدا اتعلقت بيه بقيت علي طول عاوزه أكلمه اي مشكله تحصل في حياتي اجري عليه لكن كل ده من غير ما نتقابل عارفين شكل بعض وبنتكلم واتس بس هو كان ذكي وعارف هو بيعمل ايه المهم بعد كدا ابتدي يتأخر عليا في الرد ويتجاهل كلامي لما قلتله اني زعلت قالي ده طبعي لما بعدت شويه ابتدي يكلمني هو فينك ليه مش بتردي كنت هرد عليه واحاسبه زي الاول عشان يعتذر ونكمل علاقتنا عادي لكن لقيت صاحبتي بتقولي أنه مرتبط والبنت الي معاه بتحبه جدااا وهو قائلها أنه بيحبها ومش شايف غيرها فبعدت من غير انذار من غير ما ارد عليه من غير اي كلام ولا تردد بس كان قلبي واجعني بصراحه بعد فتره هو ساب البنت دي وقالها في حد في حياتي وانا عاوز اكمل معاه مش معاكي البنت دي راحت قالت لصحبتي بحكم انهم اصحاب وصاحبتي بسلامه نيه قالتلها أن أنا والولد ده كنا بنتكلم واني سبته فالبنت قالت لصحبتي عاوزه الشات الي بينهم عشان اتاكد كان تصرفي كالاتي قلت لصحبتي الي هكتبهولك ده صوريهولها فلان ده ولد محترم جداا كل الي بيني وبينه كنت بساله في حاجات ليها علاقه بالكليه وهو بيرد بأدب لكن كان بيتاخر اوي ولما قلتله لو سمحت كنت بعتالك من بدري قالي اسف ده طبيعي أنا إنسان مشغول أنا أحرجت من طريقه الكلام فما كلمتوش تاني لكنه انسان محترم ما دايقنيش ولا اي حاجه كان بيساعد بسلامه نيه .. وبس كدا كنت خايفه البنت قلبها يتكسر زي لأنها رقيقه جدا وعشان غبائي كنت خايفه هو كمان يتاذي بسببي فعملت كدا وخرجت نفسي وبعدت المهم هو والبنت دي رجعوا لبعض وبحكم أن احنا مع بعض في نفس الكليه بشوفه كل يوم وبيبصلي وهو معاها كتنه منتصر ومفيش حد قده في نفس الوقت الي كان ليا صديق مقرب مني جداااااا كنت تقريبا من اول ما اصحي لحد ما انام أنا وصديقي ده نتكلم فكنت بحكيله لما بتخنق من الدنيا اوي كدا كالعاده رايحه اسال عليه عشان اتكلم معاه لقيته مش بيرد وقعد اسبوع وبعدين رد بتمام قلتله في ايه الي حصل مالك قال عادي ولاحظت تغير جذري في معاملته معايا ومعايا أنا بس فكنت بسال ليه اتغيرت ايه الي حصل هو أنا غلط في حاجه كان رده واحد نفسيا مش مظبوط انت ما غلطيش معايا في اي حاجه بصراحه بس انا حر اتعامل بالطريقه الي تعجبني ومش و ما كلمنيش تاني قعدت اسال نفسي ايه الي غلط فيه وتراجع الأحداث من يوم معرفته ما لاقتش اني عملت حاجه وكان هو معايا في نفس الكليه وليه صحاب كتير بيحبوه بجد وعلي طول قاعد معاهم وبيبصلي نفس بصه الانتصار دي لما جيت احكي لصحابي افضفض شويه كنت هموت لقيتهم شمتانين فيا وفرحانين من الي حصلي كل واحده بتطبطب وعينيها مليانه فرحه وضحك وكلهم كمان ارتبطوا بناس فهماهم ومرتاحين معاهم فعلي طول مشغولين بالناس الي مرتبطين بيهم وسايبني لوحدي سواء الناس الي مرتبطين بيهم دول كانوا معانا في الكليه أو كانوا في كليات تانيه فبيكلموهم فون .. وطبعا لما حكيت لاهلي شوفوا اني عيله صغيره وده بيحصل عادي يعني امال هتعلم ازاي ما ادوليش اي نصيحه اعرف اكمل ما سمعوش لآخر حتي أنا كل يوم بروح الكليه ببقي عاوزه امسك كل واحد فيهم أقوله ازاي هنت عليك كدا ده انا كنت اجدع واحده مع كل واحد فيكوا وخدمته خدمه ما تتنسيش ايوه انا بهتم بشكلي جداا وقعد مع ناس تانيه كزملاء مش أصحاب عشان أبين اني مش ضعيفه وما فيش حاجه ماثره فيا وانو عادي تمشوا من حياتي أنا مش فارقلي بس مجرد ما بدخل اوضتي بسمع صوت قلبي بيتكسر وبعيط لما اتفاق ولما بشوفهم بحس قلبي هيطلع من مكانه من كتر الحسره لكن بحاول اعمل نفسي جامده .. دلوقتي حاسه اني مش قادره عاوزه اتخطي كل ده واعيش حياه عاديه بس عاديه عاوزه قلبي ما يوجعنيش كدا لما اشوفهم اعمل ايه