ازاي اكون كويس

بقالي شهور بحس احساس خلاني افكر اكتر في اني محتاجه اروح لثيرابيست او اروح لحد يساعدني عموما ..

بحس اني مفصوله عن الواقع اللي ببقي فيه وجسمي بيتنقل لبيتنا القديم وببقي شبه متأكده اني هناك نايمع علي سريري جمب حيطتي وسامعه صوت الناس ف الشارع اللي كانو هناك وبنسي خالص وبيتشال من دماغي انا فين او بيتشال من دماغي اي سنين عدت بعد الوقت دا لحد الوقت الحالي اللي فيه كله مبيبقاش موجود اصلا بحس اني مش رجعت ب الزمن لا لأن اللي بيرجع ب الزمن دا بيبقي عارف ان في مستقبل انا مببقاش بقا حاسه ب المستقبل دا انا ببقي بس موجوده ف مكاني دا وبس والحاله

دي بتستمر معايا حوالي دقايق وبرجع تاني لوعيي وممكن تحصلي بمعدل مره لمرتين ف اليوم كل يوم او يومين

مع العلم ان بيتنا دا مكنش احسن مكان ف الوجود خالص دا كان مكان كل اللي اتعرضتله فيه اذي وتشويش مأثر غلي حياتي للنهارده ومش فاهمه انا عقلي بيعمل فيا كدا ليه