ابنى يعانى من صدمة
>ابنى عمره حاليا 15 سنة من حوالي سنتين اتعرض لموقف من اصحابه ان 3 منهم اتلموا عليه و ضربوه ضرب مبرح و اولاد تانيين صوروا الواقعة و الفديو انتشلر ما بين اصحابه و ده سبب له صدمة نفسية . فضل يومين قاطع الاكل و محكاش الموضوع لينا غير اما لاحظنا حزنه و عدم الاكل و رفض اي مساعده من ابوه انه يتدخل او حتى يخليه يضرب الاولاد اللى ضربوه . لحد ما ابوه اقنعه اننا نبلغ الشرطة. حاليا بعد سنتين ابنى دايما يكرر انه دايما يشعر بالخوف انه يتكرر معاه الحدث و بيقلق جداااا من الزحمه ف اى مكان لعدم تكرار الحدث بالرغم من اننا وديناه يتعلم لعبة دفاع عن النفس الا انه غير واثق ف نفسه تماما و دايما قلقان انه يتعرض لده تانى
المفروض إن نحاول نبني ثقته في نفسه تاني ونفمهمه إنهم كانوا مجموعه وهو كان لوحده وده بيحصل ولكن ده ميهزش ثقتنا في نفسنا لإن عندنا حاجات كتير تدينا ثقه أولها الأب اللي في ضهرك ومذكرتك وتمرينك اللي لو اتقنته هيزود ثقتك في نفسك والموضوع بسيط بفضل الله وله خطوات أخري في العلاج
