أنا مش عارفه عني اكتئاب ولا لا أنا بس عايزة اطلع من الحالة دي وابقي كويسة

مش عارفة اقول اي او ابدأ بأي بس أنا حاسة اني مش كويسة ومش عارفة إذا كان عندي مشكلة فعلا أو أنا بيتهيألي اني عندي اكتئاب بس انا نفسيتي زفت وبقالي فترة طويلة ع نفس الحال وشخصيتي انطوائية ولجأت قبل كدة للعادة السرية وادمنتها ماكنتش بعملها عشان استمتع كنت بعملها عشان هروب أو ادمان زي اللي بيشرب مخدرات كدة هو مش بيشربها عشان بيحبها هو بيشربها عشان بيهرب كنوع من أنواع الهروب .. أنا مالقتش شايفة حاجه حلوة في الدنيا كل حاجه شايفاها سودة كل حاجه بقت سودة ومافيش حاجه ليها طعم ومش حاسه بطعم حاجه حاولت ابطل العاده ولجأت لحد ع السوشيال ميديا وقالي أنه طبيب نفسي وهيساعدني بس هو زود الموضوع واستغل ده وانا ادمرت اكتر عشان كنت بعمل حاجة غصب عني حاجه مش عايزاها وقررت ابعد وعملت بلوك وحاولت كتير ابطلها وماعرفتش بس في الاخر قدرت الحمدلله وبقالي 52 يوم ماعملتهاش ومش هعملها تاني خلاص انا كنت بنام كتير اوي بهرب بالنوم ومش باكل كويس وجالي فقر دم حاد واخدت أدوية فترة أنا حاسة فيه عياط مكبوت جوايا مش عايز يطلع ولما بعيط بعيط بطريقة هيسترية وبضحك بطريقة هيسترية ومش عارفه بضحك علي اي أنا فقدت الثقة في الناس كلها وماعنديش ثقة في نفسي وبكره الناس وبكره نفسي اوي وبكره كل حاجه وبقالي ع الحال ده سنتين واليومين إللي فاتوا أنا حالتي كانت بدأت تبقي احسن بس رجعت تاني لنفس الحالة ومش عارفه اخرج منها وبكره جامعتي وماكنتش عايزة ادخل حقوق ومش عارفه اتأقلم ولا اتقبل ومش عارفه اذاكر ومش عارفه اعمل اي حاجه عايزة مساعدة بس مش لاقية وفكرت اروح لطبيب نفسي بس نظرا للظروف مش قادرة اروح عشان الكشف غالي ومش معايا سعر جلسة واحدة حتي واتناقشت مع ماما قبل كدة قالتلي انتي مش محتاجة دكتور نفسي انتي كويسة والدكتور هتروحي تحكيله وخلاص مش هيعملك حاجه أحكيلي أنا يمكن يكون عندها حق انا ماعرفش ومش متأكدة اصلا اذا حد هيقرأ رسالتي ولا لا بس انا عايزة اعرف بس انا عندي اكتئاب ولا لا وازاي ابقي كويسة أنا عايزة ابقي كويسة أنا تعبت أنا تعبانة بجد ونفسي ابقي كويسة وكمان المشاكل اللي بين اهلي وخناقتهم من وأنا صغيرة عملتلي عقد وكنت لما بسمعهم بيتخانقوا كنت ببقي نفسي ماسمعهومش وكنت بحط السماعة واشغل اغاني واعلي الصوت فيه حاجات كتير بس انا مش فاكرة أنا بس عايزة اطلع من الحالة اللي أنا فيها