وقف الادوية النفسية للشعور بالتحسن

ابني كان شرب حشيش لفترة واخد كام حباية لعلاج ADHD بدون استشارة طبيب .تصرفات غير مسؤلة عدواني بيضيع حاجته دخل مركز للإدمان شهر اخد كمية من الادويه النفسية كتيرة طبعا تحت إشراف دكاترة
الصراحة الادويه كانت بتخلي ايده فيها رعشه ونبض القلب سريع ولعاب علطول وصعب على إن الادويه فعلا غيرته جسمانيا ونفسيا
لاحظت ان كم الادويه لا يتناسب مع حالته وكنا بتابع مع دكتور والحمد لله وقفت له الادويه تدريجيا من غير ما الدكتور يعرف
هو متابع معاه بس بيقلل له الادويه ببطء شديد الدكتور اتكلم معاه وقال الدنيا مظبطة
انا الحمد لله حاسه انه ابني بيرجع لي تاني بس خايفه جدا من القرار دا
عايزه يتابع مع الدكتور من غير ادويه يعني جلسات نفسية وتاهيلية وتعديل سلوك
على فكرة دا طبيب علاجي ونفسي اللي متابع معاه كل شهر
يا ترى اللي عملته دا صح ولا ايه