هل الطلاق هو الحل؟

انا ست متجوزه وعندي ولدين رجاله واحد ٢٦ والتاني ٢٣ وكنت متجوزه قبل كده وحوزي خاني واتطلقت منه وبعد كده عرفت جوزي في الشغل كان هو زنان وبيحاول يقرب مني باي شكل ولما طلب الارتباط حكيتله قصتي واهلوا رفضوني بس هو كان مصمم عليا لان انا مستوايا الاجتماعي احسن منه بكثير وكنت بركب عربيه وهو لا المهم قلت لاهلي وقلتلهان سبب انفصالي من جوزي الاول انه خانني بعد ما وقفت جامبه وما كلفتوش حاجه في جوازنا غير المجهود فانا عمري ما هستني مع راجل يخونني مهما حصل وعرف ده ووالدتي وقفت جانبه وعملت نفس الغلطه اللي عملتها مع الاول عملت كل حاجه واتجوزنا في شقه كان جايبها في مكان شعبي مع اني كنت رافضه اسكن فيه بس هو قالي لما ربنا يرزقني هجيبلك شقه احسن واهلي صمموا يجوزوني لانهم خافوا اني ابور وما اتجوزش مع اني علي قدر من الجمال ومستوي التعليمي العالي بس هو اثناء الزواج كان بيدور علي بنت تكون ما اتجوزتش قبل كده كان بيخرج مع السكرتيره وانا اعرف واسكت واكبر دماغي وخلفت ولدين وهو الشركه عرضت عليه يعمل mba عن طريق الشركه وهو وافق وعرف واحده وهو من الشخصيات اللي لما يبقي معاها فلوس تحب تبين ان هو سخي ومعاه فلوس والبنت لقت ده فيه قربت موه اكثر وهو علشان ما عملش علاقات خالص انساق لها لدرجه ان هو كان بيبات عندها في البيت ووالدتها موجوده عادي وانا عرفت وواجهته قالي اه بعرف وريني هتعملي ايه المهم بعد ٣ سنوات من العلاقه المحرمه دي قالي انا هتجوزها قلتله خلاص طلقني رفض وقالي لا انتي ام ولا قلتله لا ده حقي واتطلقناوهواتجوزها وكانت علاقتي معاه كويسه علشان ولادي وكنت بسيب البيت خميس جمعه سبت علشان يقعد مع ولاده المهم هددني لو ما رجعتش مش هيصرف علي الولاد رجعت غصب وقلتله علشان ارجع لازم تطلق التانيه قالي اول ما هنرجع هي هتطلب الطلاق رجعنا وما طلبتش واتطلقت منه لتاني مره هو ما سبنيش مادياً ولا البيت والاولاد كان بيعمل كل حاجه علشان نرجع وعمل لي فيلا وعماره في مكان كويس وقالي لازم نرجع علشان نقعد فيه فرحعت والمره دياخر مره لو اتطلقنا يبقي لا رجعه للاسف انا ما قدرتش استحمل لان هو كثير الخناق وكان زمان قبل ما اتطلق منه اول مره كان بيضربني ولما يتصل بيا ما كنتش برد عليه علشان هو ما كنش بيجي البيت وكان مقضيها حرام مع الهانم فكان بيشك فيا اني اعرف حد عليه لان البنت كانت بتملي دماغه بالكلام ده علشان يسيبني فكان بيضربني وانا كنت بنفر منه في العلاقه لان كان ماشي في الحرام وسبب رفضي ايضاً انه كان بيرفض الاستحمام قبل العلافه وللاسف قبل ما ارجعله اخر مره قلتله ان سبب نفري منك عدم الاستحمام فجلس يقولي انتي مريضه ويعني قصدك اني معفن معلش الله يكون في عونك متجوزه واحد معفن ولما رجعنا قالي خلاص انا اتغيرت وهعمل اللي انتي عاوزاه كله لاكن للاسف ما بيعملش حاجه وكان يعمل معايا غصب وعافيه ومره حصلي نزيف جامد والدكتوره قالتلي لازم تشيلي الرحم ومن ساعتها كرهتوا اكثر ورفضته خالص وحسيت ان هو السبب علشان قلت النظافه وطلبت منه كتير الطلاق لاكن هو رافض واحنا بقالنا تقريباً ٣ سنوات ما فيش علاقه بينا وانا قررت من ساعت ما شيلت الرحم اني انام في غرفه منفصله ودي حاجه ضايقته جامد وقلتله خلاص طلقني يقولي لو طلقتك هتخرجي من البيت وولادي يقولوله احنا بدون امنا لم نجلس في البيت ولو مشيتها هنمشي معها نسيت اقول ان من ساعت ما رجعنا تالت مره واحنا لنا يومين وبقيه الايام عند زوجته التانيه وولاده التانيين يعني هما يومين فقط ومصمم عاوز يلمسني وانا كرهته وما عنديش بيت ثاني اروحه اعمل ايه انا تعبانه جدا ارجوكوا فيدوني