مش عارفة ايه مشكلتي
انا احيان بحس اني تمام وان كل حاجة تمام بس كل حاجة ممكن تتغير فلحظة وبحس اني فعلا محتاجة ادور على مساعدة وبرضو بيرجع الوضع زي الاول وبرجع لكرهي للدكاترة النفسيين وبكنسل وبحس ان انا فعلا تمام ومش محتاجة مساعدة اصلا وان هيا فترة وتعدي، مش قادرة التزم بصلاتي واهملت حياتي الدينية سنين وانا بصلي عشان بس مش اطلع من الاسلام ودلوقتي بالعافية بصلي وممكن اجمع صلوات اليوم كلها مع بعض احيان بقول لنفسي ان كل الي بيحصلي بسبب اهمالي وعقاب ليا عالي بعملو بس انا فعلا حاولت ومش قادرة اغير حاجة، بحس مشاكلي تافهة عشان انا عشت حياة مرضية واتوفرت ليا كل حاجة واي حاجة بطلبها بتجيني ومفيش اي مبرر للي انا فيه الا ان انا شخص سئ وجاحد للنعمة وضعيفة شخصية ودا سبب كل مشاكلي مش قادرة اختلط بالناس وكرهتهم بقدر ما انا كارهة نفسي غير ان انا فمكان اكبر المرة دي والدنيا حوليا بقت اكبر واي غلطة هعملها هتوجع المرة دي ومش هتكون مجرد غلطة ممكن اخبيها تاني لان كل ما كبرت كل ما بحس الي بعملو بيسيب اثر اكبر مش عارفة لو الي بكتبو غامض بس باختصار انا شخص متعرضش لاي حاجة معندهوش اي مشاكل عندو عيلة مراعية مش غلطو معاه فحاجة ووفرولي كل احتياجاتي ومع ذلك انا مكتئبة ومن يوم ما عرفت نفسي وانا شخصيتي ضعيفة ومهاراتي فالتواصل سيئة والموضوع بيبان تافه احيان بس انا حاسة اني مش قادرة اعيش اكتر من كدا ومش قادرة اتعايش حاولت كتير ومرات كتير بقول لنفسي كل حاجك هتتغير بس مافيش حاجة اتغيرت انا حاسة قد ايه مشةلتي تافهة وهيا ولا حاجة قدام ناس حصلت معاهم مصايب ومشاكل حقيقية ودا مخليني خجولة من نفسي لان انا فعلا ممكن معنديش عذر غير كسلي وارادتي الضعيفة، حاسة اني مش قادرة اندمج مع العالم واني مش عارفة حاجة حوليا قلت لنفسي كل حاجك بتيجي حبة بحبة بس مرات زي دلوقتي بحس ان انا فعلا ميتحيل اتغير واني بخرب كل حاجة دايما مش عارفة اوصف كل دا ازاي الي عارفاه ان انا خاولت كتير اطلع من هنا لحالي من غير ما اطلب مساعدة وان افضل مخبية كل حاجة واعديها من غير ما حد يحس بس انا مش قادرة اكتر من كدا محتاجة مساعدة فعلا بس مش عارفة اطلبها ازاي ولا عارفة المفروض اعمل ايه ممكن حد يقولي اخد خطوة ازاي عشان اطلع من دي الدوامة؟ انا مش قادرة اسيطر عالموضوع واخبيه اكتر من كدا ومش عايزة اهلي ينصدمو فيا او يحسو بخيبة امل بسببي
تقريبا نفس مشكلتي،
غالبا كل الي محتاجه حد زيينا اننا نتكلم وحد يسمعنا ويحس بينا
اظن عندك تفكير مفرط مش اكتئاب حاولي لا تفكري كثيرا لان التفكير السلبي رح يحطمك جربي تخشي رياضة منها تغيير جو او مثلا تتعلمي طبخ او تدخلي تجارة المهم شيئ يبعدك عن العزلة ويخليك تتواصلي مع الناس ومع الوقت صدقيني مهاراتك في التواصل مع الناس رح تزيد مع الوقت المهم لا تفكري كثيرا في افعالك وقوي ثقتك بنفسك واعتني بنفسك ومظهرك وفرحي نفسك واضحكي ببساطة وصلي وتوكلي على الله واعلمي ان التفكير المفرط هذا هو يلي رح يخليك تشكي ان عندك مشكلة او في حالة عندك مشكلة والي اتوقع 100/100 انك سليمة تفكري مع نفسك وتلقيها وتحاولي تحليها واذا ماقدرتي استعيني بطبيب نفسي أو اطرحيها هنا ممكن اوجهك او اساعدك هذا يلي اقدر انصحك فيه وبالتوفيق وتذكري دائما أن التغيير مش رح يجي مرة وحدة لا لا بل بالتدريج رح تخطئي وطيحي المهم انك تعرفي وتتيقني انك قاعدة تتقدمي في هذه الحياة وتتعلمي من اخطائك عشان ما تعيديها وراح تشوفي نتائج بإذن الله.
