حصلتلي حالة غريبة فجأة

انا عندي شوية حب امتلاك مش بحب حاجتي تضيع او حد ياهد حاجة منها حتي لو حد قريب مني حتي لبسي اللي من ١٠ و ١٥ سنة موجود مع اني مش بلبسه بس بس مش انانية مني بس اي حاجة بخس بارتباط بيني و بينها بتفكرني بموقف معين او احساس حسيته في وقت او ذكري بحبها كده يعني
المهم كان عندي انسيال غالي و ماما و بابا هما اللي جابوهولي في عيد ميلادي من خمس سنين و انا كان نفسي فيه جدا و لما جابوه كنت فرحانة بيه اوي لدرجة اني مقلعتعوش من ساعتها
انا كنت في الجيم و بغير هدومي تقريبا الانسيال وقع مني و كان البنات اللي بتنضف المكان موحودين
خرجت و حسيت انه مش موجود بعدها بنص ساعة
دورت عليه في كل مكان و سألت كل الناس هناك وجريت علي عربيتي يمكن يكون وقع فيها
بعد ماتأكدت انه ضاع خلاص جالي حالة غريبة كنت راكبة العربية و قفلت الازاز و قعدت اصوت اصوت و اعيط بهيستيريا كأن حد بيعذبني عمري ماعيطت و صووتت بالمنظر البشع ده و انا بصوت بقيت اقول كفاية بقي كل حاجة بحبها تضيع مني ليه كده انا كنت بحب الانسيال ده يا رب اوووي ليه كده
و قعدت طول اليوم في البيت بعيط زي كأني ماتلي ميت عزيز
و من ساعتها طول النهار و الليل بفكر فيه كأنه شخص مات و ياتري هوا مع مين دلوقتي ياتري اتباع ولا لا يا تري مين لبسه بعدي ساعات ببقي نفسي انام و الافكار دي تفوقني بقالي اسبوع في الموضوع ده مع ان اهلي جابولي واحد زيه و رحت اختارته بنفسي حاسة برضه اني عايزك الانسيال بتاعي اللي كنت بحبه و بتعامل معاه كأنه شخص ده غير شكي في كل الناس اللي كانوا موجودين ساعة ما الانسيال ضاع بقيت مش عايزة اشوف وشهم و بتعامل معاهم بطريقة وحشة و عايزة اضربهم حاسة ان حد فيهم معاه الانسيال بتاعي وبعمل سيناريوهات في دماغي ازاي خدوه مني و عملوا فيه ايه
انا اول مرة يحصلي حاجة زي كده انا اه بحب حاجتي بس مش للدرجة دي و ياما ضاع مني حاجات و بزعل اكتر وقت كام دقيقة و بنساها و ضاع مني حاجات اغلي منه و برضه معملتش الهبل ده كله هوا انا اتجننت ولا انا مالي اول مرك ابقي مش عارفة ايه اللي بيحصلي ده