استشارة نفسية

انا عصبيه لدرجه كبيره اي حاجه قدامي ممكن اجرح نفسي بيها أو اجرح حد قدامي مره كانت في ايدي كوبايه لما تعصبت من اخويا كنت هخبطها في راسي ومره مسكت السكينه لأخويا الصغير بجد انا مش عاجبني وضعي ده وحاجات كتير من دي بس دايما بيكون في انذار بينبهني اني معملش كده

الحاجه التانيه انا ضايعه مش عارفه احدد انا عايزه ايه مش عارفه احدد هل انا بخير ولا لا حتى مشاعري مش عارفه احددها

الحاجه التالته بقى ان انا تعرضت لتحر*ش أو محاوله لكده وطبعا كانت صدمه لأنها من أخويا المشكله بقى ان اكيد مكنتش بكلمه ومختصراه وكنت مشمئزه من نفسي اوي وبعد م عدا شهر تقريباً تقبلت وجوده بس طبعا بعمل احتياطاتي منه المشكله اني تقبلت اخويا تاني وانا نايمه من كام يوم لمس جسمي بطريقة مقرفه اوي وطبعا اكيد معروف رده فعلي ايه المهم عدا كذا يوم والمشكلة ان من جوايا مش شايله ناحيته حاجه لكن انا مش عايزه اسامحه لأن تقريباً ربالي عقده انا ليه بقا اسامحه رغم اني مش عايزه ولا حابه ممكن اكون غريبه من وجهت نظر اي حد لكن انا شايفه ان ده عيب في شخصيتي ان انا بتخطى بسرعه

لما بكون زعلانه زعلي مش بيبان دموعي حتى مش بتنزل بكون بموت من جوايا بس دموع مفيش حتى وكمان بطنش اي حاجه وكمان نادراً لما بنهار انا لحد دلوقتي ولا بكيت ولا حتى انهرت غير مره وحده حتى لما اخويا عمل معايا كده منهرتش ولا دمعه نزلت اصلا يعني كل حاجه محبوسه جوا ومش بتطلع ب اي طريقه حتى وطبعا ده عامل ضغط جوايا وحاسه نفسي مريضه