ازاي اتحكم ف عصبيتي واني ممكن استغني عن اي حد بسهوله من غير ما ازعل عليه وبعد فتره ازعل عليه
بعاني من مشكله كل مره بيحصل فيها مشكله مبقدرش اتحكم ف اعصابي تلقائيا صوتي بيعلي وبتنرفز طريقتي بتزعل اللي قدامي و بيبقي عندي احساس داخلي اني مش قادره اشرح اللي حساه وبحس بالظلم يمكن ده السبب اللي بيخليني اعلي صوتي كنوع من انواع الدفاع عن نفسي بس الموضوع مستمر معايا علي طول سواء مع الاهل او الصحاب ومش لاقياله حل بقول كلام يزعل اللي قدامي ده اول مشكله تاني مشكله ان ف اي مشكله اول رد فعلي عندي بيكون اني اقطع علاقتي مع الشخصيه دي لو ضايقتني فالكلام بستغني علي طول وممكن اقطع علاقتي مع اي حد بسبب كده ومش بتمسك بحد وبحاول ابينله اني فعلا مش متمسكه بيه وبيعاه ومش عايزاه فحياتي ولو بعد فعلا بقعد اول فتره مش حاسه بحاجه وبعد اسبوع او اسبوعين بزعل عليه وبفضل افكر كتير فيه وبندم علي اللي عملته وبحس بغلطي والاحساس ده مخلي اللي حواليا يقولولي اني بياعه ومليش عزيز ويقارنوا ان الشخص التاني اللي المشكله معاه احسن مني واني بقي يتخاف مني عشان مليش عزيز انا لحد دلوقتي مش قادره الاقي سبب يخليني احس اني بايعه اي حد عادي واقدر اعيش من اي حد وبوحيله كده فعلا بالافعال عشان اثبتله اني مش زعلانه واني عايشه حياتي الموضوع بقي صعب مؤخرا وانا مش عارفه اعالجه ازاي سواء العصبيه والصوت العالي لما يحصل مشكله و اني ابان بياعه ومش عايزه حد فحياتي فياريت اعرف انا ليه بيعمل كده واي الحل لكده.
