-
دونت في كتيبة 10 – مشاكل متنوعة
-
أنا كنت في الأول شخصية راسية و عاقلة جدا ما بيهمنيش الناس اللي عايزة تقرب او الناس اللي بعدت و مكنش فارق معايا مين بعدت و مين قربت في صحابي و شخصية مشهورة و محبوبة في الكلية و مكنش برضو الحكاية دي بتفرق أوي.. و كان عندي اتنين صحاب بس هما اللي قريبين مني و هما بس اللي بيفرقوا معايا و هما اللي عارفين عني كل حاجة و اكتر ناس بحسهم زي اخواتي و اكتر … الاتنين دول هما بنت صاحبتي بقالنا ٦ سنين صحاب و ولد بقالنا سنتين صحاب …
ف بداية السنة دي لاحظت صاحبتي اتغيرت و بعدت عني و غالبا السبب اني مبسألش رغم انها هي كمان ما بتسألش صالحتها كتير .. انا مكنتش بسأل عشان بمر بظروف صحية صعبة و حاولت افهمها و كنت بصالحها و انا بموت م التعب اصلا و هي يعز عليا زعلها بس اتفاجئت ببرود تام و انها بيعاني جدا .. حاولت اصالح كتير بكل الطرق انكرت انها زعلانة اصلا بس هي اسلوبها بايع و قالتلي كنت عارفة انك هترجعي و تطلعيني انا اللي غلطانة .. قولتلها لا انا اللي غلطانة و آسفة على اي حاجة عملتها ضايقتك بس و الله معرفش انا عملت ايه ضايقك .. المهم مشيت .. و نفسيتي تعبت .. و بقيت حاسة اني وحيدة و حاسة اني بقيت كدا عشان مش بسأل عليها .. و لسة عندي ظروف صحية سيئة و نفسية خربانة بسببها ..فبدأت اسأل على صديقي الولد لانه اخر حد و مش عايزاه يمشي زي ما هي مشيت بس جاتلي فترة لما الاقيه ما يردش افتكره مشي زيها .. فاتخانق و اقوله انت مشيت ليه انا كمان مش عايزة اعرفك .. ف الاول كان بيهدي الموقف لكن بعد كدا قولتله انا اسفة انا مش عارفة بتخانق ليه بس يمكن عشان صاحبتي الوحيدة اختفت و حاسة اني تعبانة نفسيا و ممكن اروح لدكتور نفسي .. اول ما عرف كدا حسيته بقا يضغط ع نقطة الضعف دي و يتعمد ما يردش وويعاملني على اني مجنونة و اخر مرة عاملني وحش جدا فقطعت صداقتي بيه وهو لااول مرة احس اني صداقتي مش فارقة معاه …
بعد كدا اكتئبت جدا و حسيت اني شخص سيء .. انا بساعد الناس جدا حتى لو معرفهومش و ياما وقفت جنب صحابي اللي مشيوا .. معرفش ليه لما وقعت و ظروفئ الصحية تعبت اكتر اتنين قريبين مني سابوني و دمروا نفسيتي كمان.. كنت محتاجة دعم نفسي عشان اخف بسرعة زي اي حد مريض بس دا محصلش ..مع انهم لما مروا بظروف مشابهة كنت جنبهم…
انا حاليا ظروفي الصحية بقت أحسن بس نفسيا گرهت نفسي و كل يوم بعيط و حاسة اني قصرت ف حقهم بطريقة ما خليتهم يبعدوا و يكرهوني .. و مبخرجش من اوضتي و لا بروح المشاوير المهمة و لا بحضر تجمعات عائلية و اهملت ف شكلي و خسيت جدا و دا خلاني انعزل اكتر..و حاسة اني شخص قليل و ضيع كرامته عشان يصالح صحابه اللي پاعوه برضو ..
چربت اصاحب ناس جديدة.. دورت على الناس اللي كنت بحس انها بتحبني بدأت اثق فيهم .. بدات احكيلهم عن اللي حصل معايا .. اهتموا يوم يومين و بعدين بحس اني مش مهمة اوي بالنسبالهم .. فبمشي لوحدي ..
انا مش عارفة اخرج م الحالة دي إذاي
<p style=”text-align: right;”>انا حاسه بيكي قوي غالبا انا حصلي زيك بالظبط بس مع اصحابي و خطيبي وكل الناس بعدو عني وقت ما كنت محتاجه دعمهم النفسي دا لو تحبي تتوصلي معايا ونتكلم شويه انا معاكي ابعتلي علي الايميل دا ayaeldoby1@gmail.com</p>
![]()
طلما قدرتى تصاحبى مرة هتصاحبى تانىانما انا انطوائية جداا جدااا ومش برتاح فى وسط ناس بحب اكون لوحدى بس دة طبعا مينفعش لا فى شغل ولا اى مكان زى مبيقولو مفيش انسان يعرف يعيش وحيد لازم ناس وانا عمرى مكان عندى صحاب ابدا قريبين منى ومش بعرف عندى قلق وعدم ارتياح وسط الناس ويبقى عايزة المقابلة معاهم تنتنهى بسرعة عشان اخد راحتى لوحدى وانا حاليا بشتغل وبيتريقو عليا انى اخدة جنب وكدة ومش اجتماعية
- يجب تسجيل الدخول للرد على هذا الموضوع.