علاج الاكتئاب بدون أدوية و11 نوع من الأعشاب متجربين

كتير مننا بقى عارف إن الاكتئاب مرض نفسي خطير ومحتاج علاج وإلا بقى خطر على حياة المريض، لكن كتير من اللي جربوا علاجات الاكتئاب بيبطلوا لفترات بسبب الآثار الجانبية للأدوية، وده بيعرضهم لانتكاسات خطيرة، ولأن العالم كله ابتدا يدور على فوايد الأعشاب لعلاج كل الأمراض، ابتدا الدكاترة والعلماء يدوروا على الأعشاب اللي ممكن تأثر على الحالة النفسية والمزاجية للمرضى، ودي بعض نتايج الأبحاث عن علاج الاكتئاب بدون ادوية.

العالم كله اتجه للأعشاب عشان يقلل خطر الآثار الجانبية الشديدة اللي بتحصل نتيجة الاستمرار على العلاجات الكيماوية، خصوصا بعد اكتشاف إن المواد النباتية لها آثار لطيفة على الروابط العصبية وممكن تحسن أعراض الاكتئاب، ومن هنا ابتدا التفكير في علاج الاكتئاب بالاعشاب .

شاكك إن عندك اكتئاب؟ دوس هنا واعمل اختبار الاكتئاب أونلاين

أهم 11 بديل لعلاج الاكتئاب بدون ادوية

الزعتر: فيه إنزيم السيتوكروم اللي بيزود تأثير مضادات الاكتئاب

أثبت العلماء أن خلاصة الزعتر لها تأثير مضاد للالتهابات، ومسكن طبيعي، وبتحسن أعراض أمراض السكر والقلب، والتهاب المعدة، ولها خواص وقائية وهضمية. وكمان فيها إنزيم السيتوكروم اللي بيزود تأثير مضادات الاكتئاب وبيحسن امتصاص الدوبامين المسؤول عن تحسين المزاج، ومن هنا فكروا في إضافته كواحد من طرق علاج الاكتئاب بدون ادوية.

الكركمين: الكُركم = مُحسن المزاج

الكركمين هو المكون الرئيسي للكركم، ومن زمان بيستخدم في الطب الشعبي كمحسن للمزاج؛ لأن له فايدة مضادة للاكتئاب، وبيعالج الضرر الناتج عن التغيرات الكيميائية في المخ، وبيساعد في علاج الإحساس بالإجهاد المزمن، وبكده يكون أحد أهم طق علاج الاكتئاب بالاعشاب .

حمض الفيروليك: مضاد للالتهابات، الأورام والتهاب الأعصاب

هو مادة كيميائية نباتية مضادة للأكسدة، وموجودة في الأغذية اللي فيها كافيين، وأهمهم طبعا القهوة، وثبت إن لها تأثير مضاد للالتهابات، والأورام، والتهاب الأعصاب، وتناوله بانتظام ممكن يخفف من السلوك العصبي نتيجة الإجهاد.

الشاي: ومادة الثيانين

هو حمض أميني من مكونات الشاي الأخضر، وله فوائد لتحسين التركيز والقدرة على التحصيل والمذاكرة، وكمان مضاد للأورام، وبيمنع أمراض الأوعية الدموية، وبيقلل ضغط الدم، ومضاد للسمنة، وبيحسن نظام المناعة، ويزيد الحماية العصبية، وكمان بيعالج القلق المتوسط، وله آثار مفيدة في علاج أعراض الاكتئاب، واضطرابات النوم، والقلق، وبسبب كل الفوايد دي بينصح بيه الدكاترة إنه من أهم طرق علاج الاكتئاب بدون ادوية.

مادة بروانثوسيانيدينس: في التفاح والكاكاو والعنب والشاي

ودي موجودة في نباتات كتير منها التفاح والكاكاو والعنب والشاي. ولها تأثير مضاد للأكسدة ومضاد للألم، وله تأثير لطيف كمحسن للمزاج، وهو عامل مساعد مش أساسي في علاج الاكتئاب بالاعشاب .

مادة الكيرسيتين: لتنشيط مستقبلات هرمون الإستروجين

موجود في كتير من الفواكه والخضروات والأعشاب الطبية، مثل الحميض، الشبت، الخوخ، واللفت، والتوت البري، والتفاح، والبطاطا الحلوة، والعنب البري، والقرنبيط، ومن أهم فوايده إنه بينشط مستقبلات هرمون الإستروجين، ويمنع السلوكيات الشبيهة بالاكتئاب، يعني برضو عامل مساعد في علاج الاكتئاب بالاعشاب .

مادة ريسفيراترول: في العنب

ريسفيراترول هو نوع من الفينول الطبيعي الموجود في العنب والنبيذ الأحمر. وله آثار قوية مضادة للالتهابات والعصبية، ويمكن أن يمنع السلوكيات الشبيهة بالاكتئاب الناتجة عن الإجهاد، يعني كمان مش أساسي في علاج الاكتئاب بالاعشاب .

الزعفران يحتوى على السيروتونين

في تجربتين عملهم علماء الأعصاب، ظهر على المرضى تحسن لأعراض الاكتئاب، لأن الزعفران بيحتوي على هرمون السيروتونين ومضادات الأكسدة والالتهابات، اللي بتساعد كلها على علاج الاكتئاب .

 نبتة سانت جون أو حشيشة القلب

هي أشهر عشبة تستخدم لعلاج الاكتئاب بدرجاته المختلفة، سواء الخفيف، أو الاكتئاب المعتدل، أو الشديد، بسبب مركب (الهيبرسين) اللي بيعتبر مضاد للاكتئاب، وكمان ممكن علاج الأطفال بهذه النبتة من الفزع أثناء النوم والكوابيس المُخيفة، مع تأثيرات ضارة أقل من أي علاج تاني للاكتئاب .

اللافندر: مضاد للجراثيم والفطريات ومهدئ

هو نبات مزهر ينبت في دول البحر الأبيض المتوسط، ومن فوايد زيت اللافندر إنه مضاد للجراثيم، والفطريات، وكمان مهدئ، ومضاد للاكتئاب، ومزيل للقلق.

ثمار النيلم

من زمان جدا استخدم النيلم كمهدئ طبيعي في البلدان الآسيوية بسبب فوائده النفسية لمرضى الاكتئاب اللي بسببها يعتبر من أهم طرق علاج الاكتئاب بالاعشاب.