اتراب من صدمات بالطفوله و بعد عن الناس و الشعور ب التعاسه

انا من سوريا. بلشت الحرب ببلدي بعمر ال٧ سنين ضليتني عايش بسوريا ل عمر ال٩ السنين بس بهل الفتره عشت كتير شغلات بسبب الحرب متل قصف مدرستي و موت اعز رفيقه عندي الشي الي خلى اعلي يبطلوني من المدرسه خوفا علي و إصابة بابا و اعتقال اخي غير القصف و العرب الي عشتو بهل السنين من ورا القصف و الحرب طلعت بعمر ال٩ سنين ع تركيا لجوء مع عيلتي سكنا بمنطقه كتير بشعه كانو الاتراك بيحكو فيها عربي ما قدرت روح ع المدرسه بوقتها كنت وقت اطلع من البيت الولاد يلحقوني و يضربوني و يسبوني بس لئني سوريه لهيك كمان ما رحت هنيك ع المدرسه وضليتني ب البيت طول الوقت لحد عمر ال١١ سنه قررو اهلي انو نطلع ع المانيا و طلعت كمان انا وعيلتي عن طريق البحر اول محاوله النا غرق القارب و طلعنا ب اعجوبه ضلينا وقتها كل اليوم ع الشط مع قرايبنا الي كمان كانو معنا ب القارب انا كنت ارجف من البرد و ما كان عنا لبس كان في معنا بنت اصفر مني معاها توحد كانت تبكي و تصيح كتير صوتها لسا براسي انا كنت ابكي اكتر وقت اطلع عليها من خوفي بابا صار يطلع على تياب ب الزباله مشان يلبسني اياها لئنو كنت عم ارجف من برد بشكل نو طبيعي . بعد عشر ايام رجعنا حاولنا نطلع هل المره قدرنا نطلع و وصلنا ع اليونان ضلينا ١٢ يوم لوصولنا ع المانيا كانو من ابشع ١٢ يوم بحياتي كنا نمشي فوق ال٧ ساعات متواصله. بعد ما وصلنا سجلوني ب المدرسه بعد ٦ اشهر من وصولنا اول يوم مدرسه الي دخلت على صف للديانه المسيحيه ب الغلط كان درسهم عم الاسلام الطلاب صارو يتمسخرو ع طريقة صلاتنا و يقارنوها ب الدجاج انو كيف بنركع و هيك و الاستاذ كان يضحك معاهم انا صرت ابكي كتير و دقو ع اهلي اجو اخدوني و طبعا ما عملو شي لا مع الطلاب ولا مع الاستاذ الي صار يضحك بعد شي شهرين نقلنا ع غير منطقه و انا نقلت ع غير مدرسه كان في صف يحطو فيه الطلاب الي لغتهم ضعيفه مشان يتعلمو اللغه طلاب الصفوف التانيه كانو يفتحو باب الصف تبع تعليم اللغه و يجيبو مزيل العرق و يضلو يرشو منو ب الصف هاد و يحكو ل طلاب الي عم يتعلمو اللغه انتو رحيتكم طالعه لازم نتضفو و بعد ما الصف يصير كلو من مزيل العرق يسكرو الباب علينا من برا و مايخلونا حتى نطلع هاد غير المدايقات ب الصف و الحكي علينا. انا من عند ما كتت صغيره اهلي علموني انو اكتم الاسرار و انا كنت حتى هل الشي اكتمو عن اهلي. ابي طول حياتو كان صعب كتير و عصبي ع ايا مشكله صغيره كان يحكيلنا انتو اجيتو ع المانيا بدكم تفلتو و كان ينزل الشناتي و يضب الغراض فيها و يحكي رح رجعكم ع سوريا مارح نضل هون. مره من المرات تخانق معي وصار يعيط كتير لحد ما امي و اخي خلوه يطلع من البيت ليتمشى انا بهل الوقت كنت بغرفتي لحالي كنت كتير مزعوجه من الصوت العالي لدرجة صرت سكر اذاني ب ايدي بقوه كبيره كتير بعد شوي طلع لعندي اخي و امي يشوفوني وقت شافوني بهل الحاله انا كنت قاعده ب الزاوية مسكره اذاني بايدي كتير قومي عم صيح سكتو سكتو سكتو اخي الكبير صار يحاول يفك ايدي من اذاني بس كنت ماسكه بقوه كتير كبيره و كل ما حدا يقرب مني اصيح اكتر و ابكي بجنون و اصلا ما كنت حاسه بحالي انا بعد شوي شفت امي من كتر بكاها علي رح يغمى عليها وقتها بس حسيت ع حالي ورحت شوف امي و هل الوضع تكرر كذا مره (كان عمري ١٢ سنه) كنت كتير لحالي و ضلني بغرفتي مع انو ما كان عندي تلفون حتى اهلي يحاولو يطالعوني وانا ما حب اطلع واصلا اهلي ما كانو يخلوني اطلع مع رفقاتي ب المدرسه من خوفهم علي بس بعد ما كبرت و صرت تقريبا بعمر ال١٦ صرت اطلع مع رفقاتي العرب بمدينتنا بس وبهل العمر تعرفت ع شب هو اكبر مني بسنتين وصرنا نحكي مع بعض و نشوف بعض ب المدرسه هو كان كتير منيح بس كان كتير متحكم فيني يعني شو البس و وين روخ و وين اجي لدرجه مو طبيعيه انا وهو تركنا بعد شي ٦ شهور حكالي انو نفسيتو تعبانه وماعاد يقدر هو كمان كانت حياتو كتير صعبه وموسهله ابدا كان عايش لحالو بعمر كتير صغير و اهلو مطلقين المهم بعد فتره رجعنا و هو صار يحبني كتير الشي الي خلى تحكمو يزيد لسا اكتر بعد تلت سنين من العلاقه خبرتو انو بدي اترك لئنو كتير تعبت من تحكمو فيني و فعلا تركت بس هو كان يضل يتواصل معي و يحكيلي انو رح يتغير عشاني و انو هو كان بحبني كتير كان هيم لئنو مابدو يخصرني لئنو فعليا اهلو تخلو عندو و مافي حدا عندو غيري هلق مر على هل الحكي اكتر من سنه و انا سامحتو عن كلشي مر بس حكتلو انو مابرجعلو غير ليجي يخطبني لهيك هو هلق عم يشتغل شغلين لحتى يجي و يخطبني السنه الجاي. بس انا كتير مكتأبه حاليا لدرجه ما عم اطلع ولا عم ادخل ماعندي حيل ل ادرس او اطلع و اتعرف على ناس او احكي معاهم غير ضغط اهلي المستمر بسبب روتين حياتي انا حدا من بكون تعبانه نفسيا بنام فا انا صرت ارجع من المدرسه على الساعه ٢ الضهر و نام هيييك للساعه وحده ب الليل تقريبا و ضلني فايقه و هيك تتكرر ايامي بس مابعرف انا عم اخجل انو اطلع لبرا بحس اني كتير بشعه انا وزني كتير زايد صرت فوق ال١٠٨ كيلو بسبب قصر ب الغده الدرقيه كتير كرهانه شكل جسمي و وشي و لبسي و كلشي فيني.