محتاجه اعرف هل انا كدا عندي حاله نفسيه او لا ؟؟؟
انا بنت عندي ١٦ سنه …انا كنت كويسه جدا كنت بضحك ديما وبحب اقعد مع اهلي وديما بحب اقعد اتكلم معاهم ..بس بقالي فترة حوالي ٧ او ٨ شهور متغيره تماما عن الاول ..بقيت بميل للعزلة وبحب جدا اقعد لوحدي ..انا اصلا شخصيه انطوائيه ومعنديش غير زميلة واحده بس وفقدت اهتمامي بيها تماما مع فقدان اهتمامي لأهلي مع الوقت وبقيت بكره كلامهم وبقيت مبحبش اقعد معاهم ..لدرجة بقيت يوم اكون فيه مزاجي كويس كدا ويوم اللي بعديه علطول مزاجي وحش جدا ..فقدت اهتمامي تماما بأي حاجه كنت بعملها من سنه او من شهور وبقيت ديما حاسه بملل وخمول وبقيت بنام كتير عن المعتاد ..وكمان شخصيتي اتغيرت كتير عن الاول وأهلي مش عاجبهم اللي بيحصلي ده ..وساعات بابايا بيلجأ للعقاب بأنه ميكلمنيش او بحاجات تانيه..كمان بقيت بحب اقعد في البيت وبكره اني انزل للشارع بطريقه فظيعه ..لدرجه انا بقالي اكتر من شهرين مش بنزل من البيت …بس في نفس الوقت حاسه انه عاجبني شخصيتي بالطريقه دي وانا مرتاحه كدا اكتر بكتير عن الاول.
تقلبات المزاج والملل والخمول ممكن تكون بسبب الوحدة والفراغ وكل مدى المشاكل دى هتزيد اكتر لازم تعرفى سبب بعدك عن اهلك او زميلتك هل حد فيهم بيعاملك وحش او مش بيسمعك ويفهمك ولا كان فى سبب قديم من مرحلة الطفولة
