استشارة عن تعلق مرضي بمديرة مدرستي وحالة يقظة مفرطة

دكتور عندي مشكله خاصة
اني طالبة مدرسة عمري 16 سنة صف رابع علمي المهم من الثالث متوسط اني صرت احب المديرة مالتي مال المدرسة لان هي اهتمت بيه كلش وصارت تكولي انو اني الطالبة الوحيدة الي هي تحبها وانو من 30 سنة خدمة ماكو طالبة حبتها مثلي او تكلمت وياها مثلي وطبعا هي مشوفتني كل صور عائلتها وخطوبه ابنها وصورها هي وماكو شيء عنها اني ما اعرفه المهم بالثالث بالنهاية صار وقت انو نكعد بالبيت وبعد ما نداوم علمود نقرأ للامتحانات المهم هنا اني ضليت اداوم وما قبلت اكعد وكلتلها مستحيل اعوفك بالبداية هي قبلت بعدين صارت تريد تجبرني اكعد هنا كلتلها راح انتحر كالت الاهلي ودزتلهم الرسائل كالولها اهلي لا تهتميلها وهي مستحيل تسويها المهم هنا اني جرحت ايدي بالموس وحاولت انتحر ودزيتلها الصور وكلتلها اذا تكولين لاهلي اسوي جرح اكبر وتكونين انت السبب هي خافت عليه كلش وما كالتلهم وطبعا اني صرت دائماً بين فترة وفترة اجرح ايديه بالموس وهي تكولي بعد لا تعيديها واوعدها واخلف بوعدي وياها هنا خافت عليه وكالت الاهلي وكالتلهم يكون احسن اذا تاخذوها دكتور نفسي اهلي ما قبلو وكالو بتنا مابيها شيء انتهى الثالث وبدأ الرابع ورجعت وسويت نفس الشيء والمديرة طيحت حظي و وعدتها بعد ما اعيدها وعدتها وضلت تحاول تفهمني انو حرام وخطأ وعدتها بعد ما اعيدها بس هل مرة التزمت طبعاً وبعدين يوم الاربعاء 26/3/2024 عدتها من جديد وهي اكتشفتها يوم الخميس 27/3/2024 بنهاية الدوام الباحثة الاجتماعية كالتلها ومن شافتني سويت هيج الاحد يوم 31/3/2024 اتصلت بأهلي وضلوا من الدرس الاول للدرس الخامس يتكلمون على وضع ايديه المهم هنا اتفقوا يصيحوني علمود يشوفون ايدي لان هم بعدهم ما كانو شايفين ايديه المهم شافوا ايديه واهلي بنفس اليوم اخذوني الدكتور النفسي بالاجبار عني وضليت اعاند وما اقبل اروح وهم كالوا اذا ما تروحين نقلك من المدرسة فأثطريت اروح للدكتور و وراها انجبرت ادخل معالج هم يعني دخلت اثنين دكتور ومعالج وهسة اني صارلي رايحة للمعالج بس جلستين والمديرة تريد تجبرني بعد اروح واني ما اريد اروح ابد لان اني ما كلت للدكتور على موضوع ايديه ف ما كتبلي ادوية وخايفة اذا اكول للدكتور يكتبلي ادوية ويجبرني عليهم لان حسب الي عرفته لازم ادوية ولازم اذا ما تحسنت على الادويه يكدر ينقلني مصحة عقليه هم واني اخاف وما اريد ادخل مصحة عقليه وللعلم اني عندي حالة احلام اليقظة المفرطة جداً يعني طول الوقت ابقى شاردة وافكر بس بيها واخترع سيناريوهات واحداث وادخلها بيهم لدرجة هسة اني والله ما اعرف شلون افرق بين الواقع والاحلام حتى مرات اكوللها شيء انو هي مسويته ويطلع هي ما مسويته بس اني جاي اتخيل واتصور هذه الامور ومستحيل اكدر انو اوقف هذه لاحلام لدرجة حتى من عائلتي كلها كاعدة يمي اكون اني صافنة وجاي افكر بيها وحتى من يتكلمون وياي واني اكون جاي اتخيلها وحتى من اتكلم وياه اي احد وحتى من جاي ادرس وهذا الموضوع كلشمأثر على حياتي لان جاي يخليني طول الوقت ما افكر أبداً أبداً إلا بيها ولا حتى اكدر اقرا وهذا الموضوع زاعجني وطول الوقت ما اكدر اهدا ابد لان يبقى بالي يمها وحتى مراقبه كل حساباتها بكل مواقع التواصل الاجتماعي علمود اعرف شوكت تتصل وشكد صارلها ما متصلة وصايرة هي بالنسبة الي تفكيري الوحيد والشيء الوحيد الي شاغلني وما اكدر اسوي اي شيء ثاني ابد