عندي تساقط شعر كربي ومعرفش مالي

دكتور الجلدية قالي ان شعري تمام وجلدي تمام و التحاليل تمام وشخصني بتساقط الشعر الكربي الناتج عن حالة نفسية
انا مش عارفة انا مالي ومش بعرف اوصف ومش عارفة اعيط ببقى من جوايا مخنوقة ومش عارفة اعيط واعشر بألم داخلي لكن مش عارفة أعبر اقدر اوصف احساسي الداخلي بأشكال, يعني انا حاسة ان جوايا في احجار كوارتز الي على شكل قلم دي ولونها اسود بتطلع من قلبي كل مااتضايق اكتر بتطلع زي الماشروم كدا فوقها و مش قادرة اتحمل اي كلام يضايق او اي تصرف يضايق من خطيبي ولدرجه اني بطلت اتكلم معاه وقلتله الكلام معاك مؤذي يعني انا خلاص الكوباية عندي مليانه ومش قادرة اتحمل اي حاجه زياده ولما بتعرض لحاجه تضايق زياده اكتر من الضيق بتاعي بأشعر بالاختناق ومش عارفة اتنفس كويس وبشعر ان كأن في قنبلة جوايا لكن مش عارفة تنفجر او زي بالونه معبية ع الاخر لكن مش عارفة تنفجر ومش عارفة اعيط وبعيط لوحدي وانا مش مخنوقة يعني في الفترات الي ببقى مخنوقة فيها مبعرفش اعيط لكن لو شفت مشهد محزن في فلم بعيط عادي لكن العياط دا مش بيريحني من الضيق والخنقة بيبقى عياط على الفلم بس مش بقدر اعمل relate للشخصية الي ف الفلم عشان يكون العياط عليا ومعنديش حد احكيله
كان خطيبي الي كنا اصحاب وبحكيله كل حاجه لكن هو دايما مشغول وعليه ضغوطات مالية بسبب الجواز وهو شخصيا مش مستحمل سلبية
حاولت ادور على طبيبة نفسية اون لاين لكن كل الي موجودين الكشف فوق 500 جنيه ومش عارفة اعمل ايه انا معنديش مشكلة ادفع لكن مش لدرجه 500 عشان الاقي حد يسمعني ..