لا اعرف تفكير مفرط ام قلق ام وسواس قهري

اعاني من طريقة تفكير غريبة ومفرطه وبتأثر علي يومي وتركيزى و مزاجي و مش عارف ده تفكير مفرط ام وسواس قهرى ولا اضطراب قلق ..ومحرج اوصف الحالة لحد بس مثال مثلا لو شخص حكي موضوع امامي وخلصنا وانا بعدها جيت افتكر تفاصيل الموضوع ممكن مفتكرش حاجة معينه فالموضوع او ابقي شاكك هو حكي وقال الحاجة ديه ولا لاء اصلا ،فبفضل افكر وافكر لحد ما افتكرها او مفتكرهاش وممكن مرتاحش غير لما اخلي الشخص يحكيلي تاني …..يعني كل يوم افكار ومواضيع جديدة بتفتح فدماغي لمواضيع نسيتها وعايز افتكر تفاصيلها سواء تافهه او مهمه وبدقق اوي ومش بسيبها غير لما اقعد افكر فيها بالساعات ونفسيتي بتبقي وحشه لو مفتكرتش ….وساعات بتبقي مواضيع استنتجتها من قبل ونسيتها وارجع استنتج تاني او احاول افتكر بس ببذل مجهود رهيب ….. مش عارف اريح دماغي ….وساعات الافكار ديه بتفتح فدماغي لما حاجة مشابهه فاليوم بتعدي قصادي فتفكرني باستنتاج معين او فكرة معينه فاقعد بقي اراجعها فمخي