بحب اتنين ف نفس الوقت

انا عندي ٢٢ سنه عارفه اني غلطانه بس محتاجه حل .. حبيت واحد من نفس سني واكبر مني بسنه كمان بس حب من طرف واحد. مكنش عندي الجرأة ابدا اعترفله وكمان عارفه أن حاجه زي دي المفروض تبقى من الولد وانا اصلا مش بتاعة جو الارتباط وكدا .. بقالي ٥ سنين بحبه لدرجة اني ف يوم عملت اكونت فيك ودخلت كلمته .. اتكلمنا حوالي أسبوعين وبعد كدا هو بدأ يشك أن الاكونت فيك وكان عايز يسمع صوتي .. خليت واحده صحبتي تبعتله الريكورد .. المهم هو مقتنعش وانا مبقتش افتح الاكونت .. لما يأست قررت الموضوع يبقى بيني وبين نفسي.. ف يوم لقيت في واحد كلمني وعايز يرتبط بيا بصراحه انا الفتره دي كنت محتاجه اهتمام فضلت افكر اسبوع وكل شويه أوافق وارجع ف قراري تاني لحد ما وافقت واقولت موافقه ارتبطنا ٧ شهور اعترفلي بحبه وانا كمان حسيت اني بحبه ف قولته بعدها بدأت أحس أني شويه عايزه أكلمه وشويه بفكر ف الشخص التاني ومش طايقه اتكلم معاه لحد ما خدت قرار ابعد وبعدت تقريبا شهرين طول الفتره دي كان هو صعبان عليا و ف نفس الوقت كان واحشني كلامي معاه وهزاره هو عمره ما زعلني نهائي وبيتمنالي الرضا ارضى ونيته خير وعايز يتقدملي ف يوم اتفاجات أنه ارتبط ف انا كنت مضايقه معرفش ليه وبعدها حصل موقف واتخانقت انا والبنت اللي ارتبط بيها وانا انهرت اليوم ده بمعنى الكلمه المهم أنه بعدها كلمني واعتذرلي ع اللي هي عملته وقالي خدتلك حقك وقالي أنه لسه بيحبني وأنه عمل كدا علشان يغيظني مش اكتر وأنه كان فاكر اني بعدت علشان اكلم حد تاني بعدها رجعنا واحنا مع بعض دلوقتي بس انا لسه حاسه بمشاعر ناحية الشخص الأول وده مضايقني وانا مش عارفه اعمل اي خصوصا أن هو عرف اني انا اللي كنت بكلمه من الاكونت الفيك وقال لو كنت اعترفت بحبي وعرفته أنه انا كان ممكن يبقى في بينا حاجه دلوقتي.. انا حقيقي متلغبطه ومحتاره ومش عارفه انا بحب مين ولا عايزه مين وعايزه حل … احنا مع بعض بقالنا سنتين وشويه ومش هينفع اخد قرار البعد ده تاني لاني ساعتها لو ندمت هبقى خسرته