هو انا فعلا شخص مؤذي وخاين
انا متزوجة من شخص الكل يشهده بالاحترام من ٧ سنين علشان نداوي الملل بدانا ندخل التخيلات في حياتنا الجنسية شوية شوية خلاني اغير في طريقة لبسي راقلع الحجاب لما نخرج مع صاحبه وكنا بنسهر كتير وانا وهو نكمل تخيلات ااول كنت بضايق ومخنوقة وباعبط بس ماكنتش بقوله كنت بخاف على زعله بعد كدة من سنتين اشتغلت وقربت من مديري كنت حاسة اني دماغي باظت وان زوجي مش هيزعل مني مهما حكيتله وعلشان كدة كنت باحكي كل كلمة مديري كان بيقولها وبعدين لما خاف اني احب مديري اضايق وبعد كدة انا اللي قررت اسيب الشغل وابعد بس حصل مشاكل كتيرة بيني وبين زوجي علشان كان متعرف على شلة بعيدة عننا تمام وماكنتش بشوفه خالص رجعت اكلم مديري في التليفون كل اللي بينا كان رسائل شات ماحصلش حاجة تانية غير كدة
وبعدين زوجي شك وسالني حكيت كل حاجة بعد محاولات كذب كتيرة وبعد كدة شوية يزعل وما يكلمنيش وشوية يقولي اشمعنا انتو اتبسطوا ابسيطني وشيرجع بعد فترة يزعل ومن شهر سفرتي في رحلة رجعنا شوية ورجع تاني لنفس الزعل وانك خونتيني واني مؤذية وانسانة وحشة اوي وكلام كتير
لحد النهارده انا ماحكيتش على اللي جوايا واني شايفة انه مشارك في الغلط وان دماغي ماكنتش كدة وهو سمح بحاجات كتيرة هو كراجل المفروض ماكنش يسمح بيها
انا تعانة جدا ومكسورة ومقهورة بقالي سنتين تايهة و خايفة وقلقانة وكرهت نفسي و عملت كل حاجة علشان يسامحني غلط وصح
انا مش عايزة ابرر لنقسي حاجة انا غلطت والحمد لله ان ربنا فوقني علشان ارجعله وعلشان مافعش في غلط اكبر
بس مش قادرة احكي لحد
انا جوايا انه المفروض بسامح علشان هو مشارك في كل الغلط ده
محتاجة اعرف الصح ايه والمفروض اعمل ايه
انا بحبه جدا ومش متخيلة اننا نفصل انا تعبت جدا
