عاوز احل المشكله دي ، هل ليها حل

السلام عليكم ، انا اسمي محمد شريف بصراحه مش عارف اكتب لحضراتكم انا مالي او اوصف اللي عندي ازاي ، لكن كل اللي انا فاهمه اني تعبت ، من كتر ما انا عمال افشل ، فشلت اني اكون ابن و اخ و صاحب وعامل في وظيفه وعامل في مصنع وعامل في صيدلية فشلت في كل مكان كنت بروحه

كان نفسي يبقي ليا صاحب فشلت اني اكون علاقه تدوم ٣ ايام ع بعض وطبعاً كذالك هفشل اني اكون زوج و اب و موظف ، وهي سلسلة دائماً كنت حاسس اني غبي وحدودي الغقلية زفت ، لحد ما اخر شغل نزلته أكدلي ده ،وله هناك بيتجنبني ، سمعتها ب ودني ونا داخل ، ده محمد شريف يعم ابعد عنه ومتهزرش معاه ، بشوف الناس بيعاملو بعض بضحك بس بيجي قدامي يكشر والكل مش طايقني ، ابويا نفسه ، مش حابب وجودي وده انا حاسه منه رغم انه إنسان طيب هو يمكن أسي عليا شوية ونا صغير ولحد دلوقتي لكن عنده حق ما انا غبي في كل حاجه معرفتش اكون انسان او ابن عدل ليه انا عارف ان سواء هو او امي او اصحابي ليهم حق انهم يكرهوني وميحبوش وجودي ، بسبب افعالي وكريقة كلامي وسخافتي وضحكتي البشعه ، دائماً بضحك ع حجات تافهه وبطريقة وحشه ، لكن انا مليش ذنب انا غصب عني والله ، ربنا خلقني كده ، انا متقبل ان في ناس ربنا خلقها حلوة وتتحب وناس تانيه زي حالاتي اقرب حل ليها الموت