تعمل ايه مع الضغط النفسي وانت مسافر؟
الضغط النفسي هو استجابة الجسم الطبيعية للتهديد او الضغط – سواء كان حقيقي او خيالي، بيرتبط التوتر والضغط النفسي بالضغوط الظرفية او القلق او تحديات السفر، وتعتبر كميات معينه من التوتر جزء طبيعي من الحياة اليومية، لكن المشاكل او المواقف اللي بتواجها في السفر، سواء كانت كبيرة او صغيرة، غالبا هي دي اللي بتخلق نوع من التوتر والضغط النفسي طول مانت مسافر.
المحتويــات
علامات الضغط النفسي:
- صعوبة في التركيز او التفكير بوضوح
- النرفزة
- الغثيان
- دوخة او ترجيع
- سرعه دقات القلب
- الصداع او توتر العضلات
- ضيق التنفس
ازاي تتعامل مع ضغوط السفر؟
لما متحققش الاهداف الشخصية، ممكن تلوم نفسك وتزعل وممكن يوصل لقلق و اكتئاب و احباط، حط في اعتبارك ان نظرتك و توقعاتك بتحتاج لشوية تعديلات تناسب ظروفك، وهتحتاج تتحكم باستمرار في رحلتك وانك تتغلب ع تحديات السفر السلبية.
ازاي تدير توقعاتك:
- إنك تقيم خطتك الاصلية بانتظام وتغيرها لو لزم لتقليل مستويات التوتر.
- لو معرفتش تحقق توقعاتك، دور عن حلول مقبولة وغير تصادميه لتحسين الوضع.
- خد الوقت الكافي أنك تسمع التجارب والناس اللي سبقوك، كن حاضر وحاول إنك تعيش اللحظة.
- اعرف حدودك العقلية والجسدية انت مش سوبرمان، خد الوقت اللي تحتاجه عشان ترتاح اول ما توصل بعد السفر، وإنك تقوم بالانشطة اللي انت بتستمتع بيها.
الصدمة الثقافية
الصدمة الثقافية هي ضغط نفسي مؤقت بيحصل لما تيجي عليك ثقافة جديدة و متعرفش تتكيف مع الثقافة او البيئة الجديدة، بتشمل العوامل اللي بتساهم في الصدمة عدم التحدث باللغة، وعدم فهم العادات المحلية او فهم السلوك المناسب، و كره الاكل، او الاقامة، او نمط الحياة، و كونك اقلية متشافة، وانك تشوف او تواجه مواقف مختلفة تماما عن حياتك زي الفقر و الحرب و المجاعة و التشرد، دا غير رهاب المثليين و التمييز العنصري و الاخلاقي و الجنسي وكل دا ممكن يسبب صدمة ثقافية.
ازاي تدير الصدمة الثقافية:
- خد الوقت الكافي للبحث عن ثقافة البلد اللي انت فيها، والتعرف على العادات والاعراف الاجتماعية.
- اتعلم اللغة، لو معندكش الوقت، فتعلم الجمل الأساسية اللي هتساعدك في التنقل من مكان لمكان.
- اتعرف على الوضع السياسي الحالي والبيئة الاجتماعية للبلد اللي هتزورها.
- سافر بموقف ايجابي وابحث عن طرق إنك تتقبل الحاجات المختلفة عنك.
- لو كنت واجهت صعوبة في التكيف، اتكلم مع صاحبك او حد من اسرتك او الدكتور النفسي حول تجربتك واكتشافك لتحسين وضعك.
- لو رحلتك طويله، انضم للأنشطة او هواياتك في مجتمعك الجديد لمقابلة ناس عندهم نفس اهتماماتك.
قائمه مراجعة الصحة النفسية قبل ما تسافر:
- استشير دكتور الرعاية الصحية الخاص بيك لمناقشه نوع السفر اللي انت بتخطط لي مناسب ليك ولا لا، خد شويه نصائح عن كيفية الحفاظ على صحتك والتعامل مع اثار اجهاد السفر واضطراب الرحلات الجوية الطويلة.
- ابحث عن اخصائي نفسي تكلمه في طريقك ويكون بيتكلم لغتك، ممكن تعوز تتصل بيه قبل رحلتك لضمان استمرارية الرعاية.
- احجز أقرب طريق مباشر ممكن لي وجهتك، تجنب فترات التوقف وساعات طويلة في الطريق.
- السفر مع صاحب موثوق فيه او حد من الاسرة يكون أفضل، لو كنت هتسافر لوحدك، فحدد وقت معين منتظم تكلم فيه حد من العيلة او الصحاب.
- سجل في سفارتك او القنصلية في حال احتجت لمساعدتهم اثناء حالة طارئة بالخارج.
خلال رحلتك
- ادي نفسك وقت للوصول واجراء عمليات التفتيش الأمني، لاحظ ان المطارات و محطات القطارات و محطات الاوتوبيسات فيها مرافق طبية ممكن تساعدك علي حسب الاحتياج.
- حط روتين يحدد انشطة رحلتك. اتعرف على اللي حواليك، ولو أمكن أدمج شويه انشطة اللي انت متعود تعملها في البيت في روتينك.
- جيب معاك حاجه بتهديك ان كان كتاب او جهاز موسيقي او تذكار.
- اعرف امتي توقف المواقف الصعبة، دور على حلول غير تصادمية ومجازفة.
- ممارسة تمارين التنفس والاسترخاء وادمجه بالنشاط البدني زي المشي والاطالة لتخفيف التوتر، حاول تاخد وقتك الكافي من النوم، وامشي على نظام غذائي صحي و حافظ علي رطوبة جسمك.
