صيام رمضان مع مرض نفسي- تجربة شخصية
رمضان هو الشهر اللي بيصوم فيه المسلمين من الفجر للمغرب، وفي ناس كتير بالنسبة ليهم ده من احسن الشهور في السنه لأنه فرصه للتامل و تطوير النفس و تغيير العادات السلبية و مع ذلك بالنسبة لينا بنعاني من الصحه العقلية يمكن يكون رمضان له قصه مختلفة.
المحتويــات
تجربة علياء الشخصية:
“من كام سنة جه رمضان مع اول نوبة اكتئاب شديدة تجيلي، كنت عارفة اني مش كويسة فا قولت لنفسي اني مريضة بس ده مكانش سبب كويس اني مصومش، بس للأسف عدم الاكل من الصبح للصحور ده زود في اخر الشهر اني في حاله اسوا من الاول بكتير، تجربتي كانت صعبه لدرجة اني ربطت رمضان بالاحساس باليأس و الفشل، كنت فعلا حلسة اني مش كويسة بس الاكتئاب له طريقه بتخليك تنسى نفسك، كل ما يقرب شهر رمضان كل سنة، بحس بشعور خوف بيزيد و كمان بالذنب لاني مبحسش بالفرحة زي باقي الناس، حسيت بالوحدة في وجعي ومرضيتش اتكلم مع اي حد بالخوف اللي بحس بيه بسبب خوفي من انه يقولي اني بشوف صعوبة في الصيام لأن ايماني ضعيف.
مجتمعنا من زمان حاطط وصمة عار حوالين الأمراض النفسية، ودا بيخلي الكلام في المواضيع دي نادرا ما حد بيناقشها، بتخيل ان الحوار لو مفتوح جوه مجتمعنا كان هيساعد في تخفيف الشعور بالذنب بشكل كبير والقدرة كمان على التغلب على الأمراض دي، من الناحية الدينية الاسلامية، في حالات استثنائية بالنسبة للصيام زي الحامل أو السيدات في الدورة الشهرية أو المسافرين أو المرضى، معظم الناس بتتعاطف جدا مع الامراض الجسدية وبيتفهموا دا لضرورة اخذ الادوية وتناول المريض لأكل، ولكن لسوء الحظ ممكن يبقا في نقص في الفهم و التعاطف لما يكون الموضوع لي علاقه بالصحه النفسية، لكن أنا ودكتوري النفسي أكيد هنقرر بشكل احسن علي تحديد انا قادرة اصوم ولا لا علي حسب صحتي النفسية.
لحسن الحظ ، علي مدي السنين اللي فاتت، شهدنا ان الوعي بيزيد في المجتمع المسلم من خلال مشاركة الاشخاص لتجاربهم الخاصة، يمكن يكون شهر رمضان سبب لانتكاسه كبيره لاي شخص بيعاني من اضطراب في الاكل، من خلال الاستيعاب المتاخر و الشعور بالوعي الذاتي، لما يتم تشخيصي هكون قادرة بشكل احسن علي تحديد اني اكون قادر علي الصوم ولا لا اعتماد علي صحتي النفسية.”
دي شويه نصائح اللي اتمني اني كنت لقيتها في السنة الأولى ليا في رمضان بمرض نفسي:
- صحتك النفسية والعقلية مش انعكاس لإيمانك.
- المرض النفسي زي الاكتئاب مش سبب في عدم الصيام زي المرض الجسدي.
- ثق في حكمك عند لما تاخد قرار الصيام من عدمه.
- لو مش قادر علي الصيام، ممكن تبني صلتك بربنا واحدة واحدة، انك تروح دروس في الجامع أو تدرس فقه وعقيدة اونلاين في منصات مجانية زي “زاد”.
- عدم القدرة علي الصيام بسبب حاله صحيه مش بتقلل من اسلامك لانها رخصة معطاة لكل شخص مريض، لكن مينفعش تكون حجة بتاخدها عشان متصومش.
نصايح عملية:
- لو بتاخد ادويه ، افتكر انك تكلم الدكتور في الخيارات المتاحة قدامك قبل التعديل او التوقف عن اخذها في رمضان.
- لو انت صايم، افتكر انك تاكل اكل منشط زي الفواكه او المكسرات او الشوفان و اشرب مياه كتير في السحور.
- حاول انك تحافظ علي روتين كويس في النوم، كام ساعة من النوم قبل السحور تقطع شوط طويل!
