شخصية ثانية داخلي

اهلا، اني بنت عمري ١٨ سنة، اخر فترة حسيت انو اكو شي غلط بيه مثلا اميل للعنف هواي وبصعوبة اضبط نفسي احس اكو شخص اخر عايش داخلي وصوت داخلي يحجي كأنو شخص ثاني، اني انسانة تحب نفسها جدا، مصلحتي اهم من كل شيء ومصلحة الي يهموني ايضا، لدرجة اني ممكن ائذي اي شخص يحاول يأذيني او يأذي يلي احبهم ، اخر فترة عشت اضطرابات بالشخصية بشكل كلش فضيع، ثانية وحدة اكون ابكي ومتدمرة نفسيا وبثانية اتغير واضحك بهستيرية على نفسي اميل للاعتزال عن المجتمع والبقاء وحدي اخاف من العلاقات واكره العلاقات العميقه وخاصه ان تعلق بي الطرف الاخر، اشعر بالمسؤولية وافصل علاقتي عنه بسرعه، ممكن اني اقطع علاقتي بصديق يربطني بيه اكثر من ٧ سنين صداقه فقط لأنه استهزئ بي وبدون ماارجع اكلمه ابدا، اعرف كلامي عشوائي وممكن يكون غير مفهوم لكن انا احمل اكثر من شخصيه بداخلي واشعر انهم كلهم يتكلمون داخل رأسي، دائما اسمع افكار واراء تختلف عن تفكيري كثيرا داخل رأسي، اختلق محادثات مع نفسي كأني اتحدث مع شخص اخر وليس مع نفسي، اضرب نفسي فقط لأنني لم استطع ان احفظ شيئا يخص الامتحان واعاقب نفسي فقط لأنني خفت من شيء ما، وكأن هنالك شخص قوي داخلي يريد يفرض القوة وعدم الخوف علي ، بس احتاج تشخيص لحالتي. لأني مثل المعادلة مجرد ما افهمها استطيع حلها، ياريت تساعدوني