مما أعاني؟.
السلام عليكم ورحمه الله وبركاته
مريت بموقف غريب ومن ساعتها حياتي متغيرة، والدتي كانت هتموت قدام عيني بس الحمد لله هي كويسه دلوقتي، لكن نمت اليوم دا وصحيت حسيت نفسي إنسان تاني، بقيت احس بحالات غريبة من الإضطراب عن الواقع أو اني مش حقيقية وكل دا خيال ووهم ومش حقيقي وكأني عايشه ف حلم، الحاله كانت صعبه عليا ف الأول وكانت بتيجي بإضطرابات جسدية ف الأول، راحت شوية ورجعت تاني، وكل شوية ترجع وتروح، بحاول اتجاهلها قدر الإمكان، لكن وصلت معايا اني مبقتش عارفة انام أبدًا وبقيت حاسه اني لما بنام ببقا نايمة ومش نايمة ف نفس الوقت، يعني بين الوعي واللاوعي، حاولت اتجاهلها ومفكرش فيها زي م. كتير نصحوني بس للأسف عندي تفكيرر مفرط مش مساعدني ابدًا، كما اني انسان بيقلق بشكل مفرط وبيجيلي نوبات هلع من الخوف لو كانت الحاله دي خطيرة او ممكن. تخليني اتجنن بعد الشر، بقيت مش فاهمه نفسي ولا حاسه بحاجه، انا ف مرحلة مهمه ف حياتي ومكنش ينفع دا يحصل حاليًا، ف اتمنى حد يطمني على الأقل لإني مش لاقيه حد يقف جنبي ويطمني.
اتمنى اعرف دا اي بالظبط برضو.
