رهاب اجتماعي + إنعزال
عندي رهاب اجتماعي مفرط و مش عارفة اتعامل مع أي حد حرفيا دايما دماغي شغالة في فكرة ان انا غبية و مش بفهم الناس ولا بعرف اتكلم و ده ليه سبب هو أن الناس فعليا بتتجاهلني دايما و محدش عمره وثق في كلامي و خدني على محمل الجدية فأنا كمان مش قادرة اثق في نفسي ولا في تصرفاتي و حاسة ان اي حاجة هعملها أو أقولها غلط و لازم امشي ورا حد و أسأله عشان مش هعرف اخد قرار أو أتصرف أبدا لوحدي عشان كدا بقيت بعمل اي حاجة و باجي على نفسي يمكن حد يتقبلني و يحب يفضل معايا لأني محتاجة و لو صديقة واحد تساعدني و تخرجني من عزلتي ، محتاجة حد يساعدني و يفهمني الناس عشان انا مش فاهمة حد و انا بجد اقتنعت ان انا غبية في كل حاجة و تركيزي كل ماله ما بقى يقل حرفيا مبقتش قادرة أركز مع أي كلمة حد بيقولهالي وش لوش لأن وقتها كل اللي بفكر فيه انيزهبقا غبية قدام الشخص ده و مش هعرف اجاوبه و هقول كلام غبي جدا و ده اللي بيحصل فعلا و في الاخر الناس بتضايق مني و بيسبوني كلهم انا بجد محتاجة حل و محتاجة اعرف ايه اللي مخلي الناس كلها تتجنبني ذي ما يكون في هالة سودة حوليا
