بعامل اي شخص كويس جداً حتى لو على حساب نفسي و الشخص بيعاملني بطريقة وحشة

انا كان ليا صديقتين و كنت بعاملهم بطريقة كويسة جداً ، مكنتش بأذي حد فيهم بالكلام على الرغم من أنهم بيعملوا معايا كده و بتحصل مواقف وحشة تزعلني لكن مشكلتي اني مبقدرش ارد على اي كلام من ده لعدم قدرتي على مواجهة الأشخاص بسبب خوفي اني اطلع غلطانة أو ما يسمى ب أنهم يقلبوا عليا الترابيزة لأن ده كان بيحصل كتير ، اي كلام بيتوجهلي مش برد عليه ولا بواجه ولا ليا رد فعل غير فقط الحزن و البكاء و برجع اتعامل مع نفس الشخص بطريقة كويسة برضو و مش بفكر حتى اني ارد له الكلام ده عشان ميتسببلهوش في زعل
الموضوع ده تعبني و مخليني ضعيفة الشخصية مش باخد اي قرارات ولا بعرف ارد على حد و حتى في معاملاتي مع الأشخاص بفضل أن اي شخص يرد مكاني على اي كلام اتوجه ليا