عدم القدرة على التغير و الخوف من المستقبل

من انا و صغيرة عايشة بنفس الدوامة ، بسمع من امي اني باردة و ما الي خلق و اني ما بركز و ما بقعد معهم كتير و اتهامات كتير و تشجريح لمشاعري ، انا غالبا بنكر لان ما بشوف نفسي هيك ، بس كبرت و خطبت صارت مخاوفي تكبر ، بابا قليل مروة و تركيزه قليل و اعتمادي بالرغم من حنيته …. صرت اخاف كتير كتير من اني افشل ك ربة منزل مع اني ناجحة و بتعلم و محبوبة جدا و موهوبة و كل معارفي بفضفضولي
خايفة اتزوج كتير مع انو بحب الشب ، بس خايفة يطلع كلام امي صح و افشل
هل قلة التركيز وراثة ؟ و قلة المرة و التسويف ؟
هل ما بقدر اغير ؟
مثلا بكون ضاهرة باللاوعي اول ما اوصل عالبيت همي كيف ارتاح مع اني ما عملت جهد ، صاير عقلي عم يطلب المكافاءات الصغيرة مثل مشاهدة على الهاتف.سكر..

وكمان كنت كتير ذكية بالرضيات و الحساب و نظري كان قوي حاليا عم واجه صعوبة بالحساب و بالاستيعاب و تركيزي خفيف و كاني مش موجودة ،بسال سؤال بنسى اسمع الجواب صرت خاف كون عندي زهايمر ، عم يكبر خوفي و تقل ثقتي بنفسي ، ما عم اقدر عيش من الهواجس الكثيرة
بتمنى تشخيص لحالتي