الشراء القهري المضر للشخص واهله! والعصبيه المفرطه الغير مبرره! من اعراض مرض نفسي ايه!؟

لدي شخص من المقربين! بيحب يجيب فلوس حتي اذا بالقروض والدين عشان يحقق متعه الشراء لاشياء استهلاكيه يوميه زي الاكل المناديل الخروج الكافيهات.. مش لشيء ضروري او حاجه كبيره زي العربيه او الشقه او مرض مثلا!
لدرجه انه حاليا مديون بقروض لبنوك وشركات مقرب علي مليون جنيه مع ان دخله بسيط لا يتعدي ال 10.0000 جنيه! مش اد القسط الشهري علبه المقدر ب 40.000 جنيه نتيجه القروض اللي عليه!
وبيتعصب علي صغائر وتفاهات! عصبيه مفرطه! وعلاقاته مش صحيه! انفعالاته مش طبيعية! ف وفاه والده انهار ربع ساعه وبعد كده تعامل عادي جداا! اكني شفت التلج والنار ورا بعض! والنقله دي غريبه مش تدريجيه ف ظهور المشاعر!
ملوش اصدقاء مقربين.. كلهم عابرين! والمقرب بيستغله! ف فلوس ف مصلحه!
كسول.. بطيء.. عصبي لاتفه الاسباب.. ف سواقته بيشتم كتير ويتعصب بشكل مستفز!! اخته عامل معاها مشاكل طول عمرها وهيا حاليا مقاطعاه تجنبا لسوء تصرفاته وتهجمه عليها اللي اتكرر كذا مره سوا بالسب او الاهانه وممكن توصل للاشتباك بالايدي!
مركزه نوعا ما كويس واخد الدكتوراه.. عامل مشاكل مع مراته واخته وصحابه وامه وابوه مكنش بيحبه بسبب تصرفاته!
الانا بتاعته عاليه ميحبش حد يغلطه! صوته عالي ف اي نقاش وبيحب يطلع صح علطول!
حاليا مش عارفين اهله يتعاملوا معاه ومورطهم ف اقساط ديونه اللي مكنش ليها اي تلاته لازمه!
ممكن التصنيف المبدئي لمرضه النفسي! وازاي اهله يسيطروا ع شراءه القهري اللي مورطهم ف ديونه معاه يا الدفع يا الحبس فبيضطروا يدفعوا معاه تجنبا لحبسه غصبن عنهم!!